Guðsþjónusta verður sunnudaginn 21. nóvember kl. 11:00 í Kópavogskirkju. Dr. Sigurjón Árni Eyjólfsson, héraðsprestur prédikar og þjónar fyrir altari. Félagar úr Kór Kópavogskirkju syngja undir stjórn Lenku Mátéová.
Mál Dagsins hefst í safnaðarheimilinu Borgum kl. 14:30 þann 9. nóvember með samsöng. Klukkan 15:10 kemur Auður Jónsdóttir, rithöfundur í heimsókn. Klukkan 15:30 er drukkið kaffi og stundinni lýkur kl.16:00 með stuttri bæn og blessun.
Barna- og fjölskylduguðsþjónusta sunnudaginn 7. nóvember (ásamt sunnudagaskólanum) í Kópavogskirkju kl.11:00. Skólakór Kársnes syngur undir stjórn Þóru Marteinsdóttur. Allir hjartanlega velkomnir.
Bleik messa í tilefni af bleikum október sunnudaginn 31.október kl. 11:00 í Kópavogskirkju. Hugleiðing: Ragnheiður Haraldsdóttir hjúkrunarfræðingur og fyrrverandi forstjóri Krabbameinsfélagsins. Konur úr Kór Kópavogskirkju syngja undir stjórn Peter Máté. Konur lesa ritningarlestra og bænir.
Mál dagsins þriðjudaginn 26. október n.k. hefst kl. 14:30 með samsöng. Um kl. 15:10 flytur sr. Arna Ýr Sigurðardóttir erindi sem nefnist „Draumarö speill sálarinnar“. Kl. 15:30 er drukkið kaffi og stundinni lýkur með bæn og blessun kl. 16:00. Allir hjartanlega velkomnir.
Mánudaginn 25. október falla niður vetrarfermingarfræðsla og starf fyrir börn í 1-3 bekk. Er þetta vegna þess að það er vetrarfrí í skólum 25-26 október.
Sunnudaginn 24. október n.k. kl.11:00 verður því fagnað í guðsþjónustu í Kópavogskirkju að endurbótum á steindum gluggum Gerðar Helagdóttur og umgjörð þeirra er lokið en þær hafa staðið með hléum frá júní 2018. Í guðsþjónustunni mun sr. Sigurður Arnarson, sóknarprestur prédika og fyrir altari þjóna sr. Sjöfn Jóhannesdóttir og Ásta Ágústsdóttir, djákni. Kór Kópavogskirkju syngur undir stjórn Peter Máté. Anna Maria Tabaczynska leikur á flautu. Kirkjan verður svo opin á eftir guðsþjónstunni til kl.15:00 og gefst þá gestum að virða endurbæturnar fyrir sér. Kl. 12:30-12:50 segir sr. Sigurður frá endurbótunum og verki Gerðar. Allir hjartanlega velkomnir.
Mál dagsins hefst þriðjudaginn 19. október kl.14:30 með samsöng undir stjórn Gríms Sigurðssonar og Lenku Mátéová. Kl.15:05 heldur sr. Þorvaldur Karl Helgason, fyrrum biskupsritari erindi um „Halaveðrið“. Klukkan 15:30 er drukkið kaffi og með því og stundinni lýkur með bæn og blessun kl.16:00. Allir hjartanlega velkomnir.
