Andlát – Ingvar Hólmgeirsson, sjálfboðaliði í Máli dagsins í Kársnessókn

Ingvar Hólmgeirsson, skipstjóri og útgerðarmaður lést þann 9. maí s.l. og útför hans hefur farið fram í kyrrþey. Ingvar sótti um árabil Mál dagsins í Kársnessöfnuði og spilaði, þar sem sjálfboðaliði á harmonikku vikulega yfir vetrartímann.  Ingvar ólst upp frá þriggja ára aldri í Flatey á Skjálfanda en bjó lengst af á Húsvík og starfaði, sem skipstjóri og útgerðarmaður. Ingvar lék á harmonikku frá 10 ára aldri.  Þórunn Björnsdóttir, kórstjóri stjórnaði samsöng í Máli dagsins síðastliðinn vetur. Hún minnist Ingvars með eftirfarandi orðum:  „Ég var nú frekar treg að taka að mér söngstjórn í Mál dagsins, ekki viss hvort ég kynni nú öll „gömlu lögin“ en ótti minn hvarf þegar vígreifur harmonikkuleikari tók fallega á móti mér og lofaði að vera mér til halds og trausts. Eftir að við höfðum spilað saman fyrsta lagið, þá féll ég fyrir þessum stóra músíkalska manni og við náðum ótrúlega vel að stilla saman okkar strengi og sameinast um lagaval og tóntegundir. Ingvar kenndi mér ýmsar nýjar hljómabrellur og hafði gaman af að rugla mig stundum. Ég sagði oft að ég hefði viljað kynnast honum fyrr og þá hefði ég fengið hann stundum í heimsókn þegar ég var að kenna tónmennt í Kársnesskóla.  Harmonikan hefur alltaf verið mitt uppáhalds hljóðfæri.“

Hátíðarguðsþjónusta á Hvítasunnudag

„Skín á himni skír og fagur/hinn skæri hvítasunnudagur.“ Velkomin til Hátíðarguðsþjónustu við Kópavogskirkju sunnudaginn 19. maí kl.11.00.  Sr. Grétar Halldór Gunnarsson prédikar og þjónar fyrir altari.  Kór Kópavogskirkju syngur og Elísa Elíasdóttir er organisti.

Guðsþjónusta og messukaffi 09/05/24

Guðsþjónusta verður við Kópavogskirkju á uppstigningardag, þann 09. maí, kl. 14.00.  Sr. Grétar Halldór Gunnarsson predikar og þjónar fyrir altari. Kór Kópavogskirkju leiðir söng og Elísa Elíasdóttir er organisti. Eftir guðsþjónustu er boðið upp á messukaffi í safnaðarheimili Kópavogskirkju í Borgum. Dagurinn er jafnframt dagur eldri borgara og fáum við sérstaka heimsókn kirkjugesta frá Sunnuhlíð, hjúkrunarheimili.