Samvera fyrir syrgjendur

 

Grafarvogskirkju 10. desember kl. 20:00
Oft er erfitt að horfa fram til jóla þegar ástvinur hefur fallið frá. Samveran er sérstaklega hugsuð til að styðja fólk í þessum aðstæðum.

Jólasálmar
Hamrahlíðarkórinn
Ritningarlestrar

Prestur: Sr.Sigurður Grétar Helgason
Hugvekja: K. Hulda Guðmundsdóttir, Nýrri dögun
Minningarstund: Kirkjugestir geta tendrað ljós og minnst þannig látinna ástvina sinna

Samveran er túlkuð á táknmáli

Léttar veitingar og spjall eftir stundina

Landspítalinn, Þjóðkirkjan og Ný dögun
2015

Mál dagsins 1. desember fellur niður vegna slæms veðurútlits.

Mál dagsins 1. desember fellur niður vegna slæms veðurútlits. Næsta “Mál dagsins” verður þriðjudaginn 8. desember n.k. Allir velkomnir

Barna- og fjölskylduhelgistund 6. desember n.k.

Barna- og fjölskyldustund verður í Kópavogskirkju 6. desember n.k. kl. 11:00. Börn úr Kársnesskóla syngja undir stjórn Álfheiðar Björgvinsdóttur. Sunnudagaskólinn tekur þátt og umsjón hafa: Ásta Ágústsdóttir, djákni, Þóra Marteinsdóttir og Bjarmi Hreinsson. Jólaball verður á eftir í safnaðarheimilinu Borgum. Allir hjartanlega velkomnir.

200 ára afmæli Biblíufélagsins

Í tilefni af 200 ára afmæli Hins íslenska biblíufélags verður haldið málþing í Háteigskirkju (Setrinu, 1. hæð), þriðjudaginn 8. desember kl. 16 undir yfirskriftinni “Biblían okkar og framtíðin”.

Á málþinginu verða flutt þrjú erindi:

  • Egill Jóhannsson, útgefandi: Biblíuútgáfur og framtíðin.
  • Stefán Einar Stefánsson, guðfræðingur og blaðamaður: Til allra þjóða.
  • Dr. Karl Sigurbjörnsson, fyrrverandi biskup: Til hvers Biblían? Til hvers Biblíufélag?

Málstofustjóri: Valgeir Ástráðsson.
Boðið verður upp á kaffisopa. Verið hjartanlega velkomin!

“Ég hef augu mín til fjallanna”

Í ár er Hið íslenska biblíufélag 200 ára og hefur því verið fagnað með ýmsum viðburðum frá því í janúar. Síðasti viðburðurinn í tilefni afmælisins verður haldinn í Dómkirkjunni föstudaginn 11. desember kl. 20 en þar munu Margrét Hannesdóttir, sópran og Hólmfríður Sigurðardóttir, píanóleikari, flytja tónlist sem samin hefur verið við texta Biblíunnar. Tónlistin sem flutt verður er bæði íslensk og erlend og má þar nefna Ljóðaljóð Páls Ísólfssonar, Biblíuljóð Dvořáks sungin á íslensku og Rejoice úr Messíasi eftir Händel. Aðgangur er ókeypis og allir hjartanlega velkomnir.

Viðgerðir á Kópavogskirkju

Mynd-ad-kirkju-23.-nóvember-2015-e1448540064491-373x500

Nú er lokið við að fylla í sprungur á ytra birgði kirkjunnar og beðið eftir veðri til að “sílanþvo” hana að utan. Til þess þarf að vera frostlaust og þurrt. Það verk tekur einn dag og að því loknu er hægt að mála kirkjuna. Vonast er til að þessum framkvæmdum ljúki sem fyrst.

Í vor verður síðan unnið við trélista við glerlistaverk Gerðar Helgadóttur. Meðfylgjandi mynd var tekin af kirkjunni 23. nóvember s.l.

Dagskrá á aðventu

Kópavogskirkja
29. nóvember. Fyrsti sunnudagur í aðventu.

Kl. 11:00 Tónlistarmessa. Fluttir verða aðventu- og jólasálmar. Friðarlogi frá skátum afhenntur.

Miðvikudagur 2. desember kl. 20:00-21:00.

Aðventutónleikar Kórs Kópavogskirkju í safnaðarheimilinu Borgum. Flutt verða jólalög frá Íslandi, Bretlandi og Bandaríkjunum. Stjórnandi Lenka Mátéová. Erna Vala Arnardóttir leikur á píanó og einsöng syngja söngvarar úr kórnum. Sr. Sigurður Arnarson segir frá aðventu- og jólahaldi í Bandaríkjunum og Bretlandi. Boðið verður upp á „aðventuveitingar“ eftir tónleikanna. Engin aðgangseyrir.

6. desember. Annar sunnudagur í aðventu

Barna – og fjölskylduhelgistund með þátttöku Skólakórs Kársnes undir stjórn Álfheiðar Björgvinsdóttur. Sunnudagaskólinn tekur þátt í helgistundinni. Jólaball verður í safnaðarheimilinu Borgum að lokinni guðsþjónustu. Sunnudagaskólakennarar leiða stundina. Enginn aðgangseyrir. Allir velkomnir

13. desember Þriðji sunnudagur í aðventu

Barna- og fjölskylduguðsþjónusta. Börn úr leiksskólanum Kópasteini flytja helgileik.

16. desember kl. 17:30 í Kópavogskirkju.

Kirkjuhlaupið í Kópavogi. Fyrst sungnir jólasálmar og hlaupið hefst kl. 17:40 með kirkjuklukknahringingu, hlaupið verður á milli nokkurra kirkna í Kópavogi. Eftir hlaupið er boðið upp á hlaupavænar veitingar í safnaðarheimili Kópavogskirkju, Borgum.

20. desember. Fjórði sunnudagur í aðventu

Kl. 11:00 Dr. Sigurjón Árni Eyjólfsson, prédikar og þjónar fyrir altari. Sigrún Harðardóttir leikur á fiðlu.

Sóknarprestur, prédikar og þjónar í öllum guðsþjónustum nema annað sé tekið fram. Kór Kópavogskirkju syngur undir í öllum guðsþjónustum undir stjórn Lenku Mátéová nema annað sé tekið fram. Nánar á vef Kópavogskirkju.

Mál dagsins 24. nóvember

Mál dagsins verður 24. nóvember og hefst kl. 14:30 með samsöng undir stjórn Lenku Mátéová og Friðriks Kristinssonar. Um kl. 15:10-15:30 flytur dr. Ragnar Ingi Aðalsteinsson, aðjúnkt erindi um íslenska tungu og beinir hann sjónum sínum til dæmis; að bragfræðinni. Klukkan 15:30 er drukkið kaffi og stundinni lýkur kl. 16:00 með stuttri helgistund.

Allir hjartanlega velkomnir.

Mál dagsins 17. nóvember

Mál dagsins verður 17. nóvember n.k og hefst að venju með samsöng kl. 14:30 undir stjórn Lenku Máteóvá og Friðriks Kristinssonar. Klukkan 15:10 -15:30 flytur Þurý Björk Björgvinsdóttir frá Utanríkisráðuneytinu erindi. Um kl. 15:30 verður drukkið kaffi. Stundinni lýkur með stuttri helgistund kl. 16:00.

Allir hjartanlega velkomnir.

Guðsþjónusta 22. nóvember

Guðsþjónusta verður sunnudaginn 22. nóvember n.k. kl. 11:00 í Kópavogskirkju. Sr. Sigurður Arnarson, prédikar og þjónar fyrir altari. Kór Kópavogskirkju syngur undir stjórn Lenku Mátéová. Sunnudagaskólinn hefst að venju í kirkju en flyst svo í safnaðarheimilið Borgir.

Allir velkomnir.

Skrifstofa Kópavogskirkju

Skrifstofa Kópavogskirkju verður lokuð frá 11. nóvember til og með 27. nóvember.

Fylgst er náið með tölvupóstum og símsvara kirkjunnar.