Safnaðarstarfið

Kór Kópavogskirkju hefur starfað undir stjórn Lenku Mátéovu frá hausti 2007.

Kórin telur 30 félaga. Skiptingin milli radda er í góðu jafnvægi og er það mjög ánægjulegt og gefandi fyrir bæði kórstjóra og kórfélaga að vinna í svo vel skipuðum hópi.Meðal kórfélaga er að finna bæði menntaða söngvara og vel þjálfada áhugamenn .

Kórinn æfir að jafnaði einu sinni í viku, á miðvikudögum frá  kl.19.30 – 22.00 frá mánaðarmótum ágúst-september og út maí ár hvert. Á þessum æfingum er ýmist allur kórinn mættur eða tímanum skipt milli radda. Þegar mikið stendur til, er bætt við æfingum á laugardögum.

Aðalstarf kórsins er að syngja við messur og guðsþjónustur og er kórnum skipt í hópa sem syngja til skiptis á sunnudögum.

Tónlistarmessur verða einnusinni á mánuði og þá er sérstök áhersla lögð á tónlistarflutning, kór kirkjunnar kynnir nýja sálma og flyttur t.a.m. stærri verk.

Reglulega syngur kórinn tvenna tónleika á ári.

Allar nánari upplýsingar má fá hjá söngstjóra í GSM 864-6627 eða með tölvupósti lenkam@internet.is

Sunnudagaskólinn

Sunnudagaskólinn er á hverjum sunnudegi kl. 11:00 í safnaðarheimilinu Borgum. Dagana 4. september, 2. október, 13. nóvember og 4. desember er barna- og fjölskylduguðsþjónusta kl. 11:00.  Jólaball safnaðarins verður í safnaðarheimilinu eftir guðsþjónustu þann 4. desember.  Á aðfangadag 24. desember kl. 15:00 er barnastund í kirkjunni þar sem beðið er eftir jólum.

Barnastarf

Starf fyrir börn í 1. – 3. bekk
Starfið er vikulega á þriðjudögum klukkan 15:30-16:30. Börnin eru sótt í Vinahól í Kársnesskóla sé þess óskað. Starfið hefst 26. september 2023.
Nauðsynlegt er að skrá börnin í starfið með því að senda tölvupóst á netfangið kopavogskirkja@kirkjan.is og ef sækja á börnin í Vinahól þarf einnig að senda póst á netfangið daegradvol@kopavogur.is .

Mál dagsins

Mál dagsins er á hverjum þriðjudegi frá kl. 14.30-16.00 frá og með 6. september. Við hlýðum þar á erindi um fjölbreytt málefni og syngjum saman undir stjórn Friðriks Kristinssonar stjórnanda Karlakórs Reykjavíkur og Lenku Mátéovu, kantors Kópavogskirkju. Þá er einnig boðið upp á kaffiveitingar, ritningarlestur og bæn.

Æskulýðsstarf

Starfið er ætlað unglingum í 8. bekk. Fundir eru vikulega á fimmtudagskvöldum frá kl. 20:00-21:30 í safnaðarheimilinu “Borgum”. Félagar úr starfinu munu  safna fé fyrir Hjálparstarf Kirkjunnar. Einnig munu þau taka þátt í verkefninu “Jól í skókassa”. Þrjár fermingarfræðslur verða á æskulýðsfundunum fram að fermingum í vor og foreldrar og forráðafólk tekur þá einnig þátt. Fjallað verður þá um: “Ég á bara eitt líf” , “ábyrgð og að setja mörk” og “sorg og sorgarviðbrögð.

Bæna- og kyrrðarstundir

Bæna- og kyrrðarstundir
Á  þriðjudögum frá september til maí  kl. 12:15 er bæna- og kyrrðarstundir í Kópavogskirkju.  Léttur hádegisverður á eftir í safnaðarheimilinu Borgum.

Bæna- og blessunarhópur

Bæna- og blessunarhópur kemur saman á mánudögum í Borgum milli kl 17:30 og 18:45. Þetta er sjálfsprottinn hópur sem nýtur þess að koma saman einu sinni í viku og eiga griðarstað í safnaðarheimilinu í Borgum og njóta þess að dvelja saman í friði fyrir amstri dagsins. Allir eru velkomnir og engin er skyldugur að taka þátt en getur notið þess að vera bara með.