Á sunnudaginn 3. maí kl. 11.00 verður messa í Kópavogskirkju. Sérstaklega er væntanlegum fermingarbörnum næsta árs og foreldrum/forráðamönnnum þeirra boðið. Sr. Sigurður Arnarson prédikar, og sr. Grétar Halldór Gunnarsson og Ásta Ágústsdóttir djákni þjóna fyrir altari. Kór Kópavogskirkju syngur undir stjórn Elísu Elíasdóttur sem spilar á orgel. Eftir guðsþjónustu verður upplýsingarfundur í kirkjunni fyrir þau sem hafa hug á að fermast á næsta ári.
.
Laugardaginn 25. apríl fæði Stofnun Wilhelms Beckmanns Kársnessöfnuði tvö sófasett Max 1 og Max 2 til eignar og notkunar í safnaðarheimili safnaðarins, sem nefnt er Borgir. Sófasett þessarar gerðar voru framleidd í Trésmiðjunni Víði á 6-7 áratug 20. aldar og kennd við hönnuð sinn, Max Jeppesen, húsgagnasmíðameistara sem starfaði í Víði um árabil. Samstarfsmaður hans í Víði, Wilhelm Ernst Beckmann, myndskurðameistari, hannaði og skar út tréverkið. Max-1 áttu hjónin Hrefna Beckmann og Jón Þór Þórhallsson og höfðu á heimili sínu í Reykjavík. Stofnun Wilhelms Beckmanns eignaðist settið að þeim látnum. Max 2- sófasettið færði Ingimundur Sigurpálsson, fyrrverandi forstjóri og bæjarstjóri, Stofnun Wilhelms að gjöf. Í Borgum eru varðveittar tvær altaristöflur og fleiri útskurðarverk Wilhelms Beckmanns. Við inngang safnaðarheimilisins stendur verkið „Kona á bæn“ á stalli og er það eina myndmerkið úr steini sem Beckmann gerði á Íslandi. Loftur Þór Pétursson, bóstari endurnýjaði bæði sófasettinn á árunum 2026-2026 og skilaði glæsilegu verki. Guðmundur Jóhann Jónsson, formaður sóknarnefndar veitti þessari einstöku gjöf viðtöku fyrir hönd Kársnessafnaðar og þakkaði innilega fyrir góða gjafir og hlýhug til safnaðarins. Á sama tíma er svo haldin daganna 25-26. apríl 30 ára afmælissýning félags áhugamanna um tréskurð í safnaðarheimilinu. Aðgangseyrir er enginn og sýningin opin báða dagana frá kl. 11:00-17:00. Clarissa Duvigneau, sendiherra Þýskalands á Íslandi heimsótti sýninguna og Beckmannsstofu í safnaðarheimilinu af þessu tilefni.
Screenshot
Nóg er um að vera hjá okkur þriðjudaginn 21. apríl
kl. 10.30-11.30 „Þjóðmálakaffi“ NÝR VETTVANGUR! Á morgun, þriðjudaginn 21. apríl kl. 10.30-11.30 í safnaðarheimili Kópvogskirkju fer af stað nýr dagskrárliður hjá okkur. Mánaðarlegt „þjóðmálakaffi.“ Fyrsti viðmælandi þjóðmálakaffis er Albert Jónsson, fyrrv, sendiherra. og talar um breytta stöðu Íslands í nýrri skipan alþjóðamála. Þannig kemur hann inn á Evrópumálin, loftslagsstefnu, og jafnvel málefni Írans og Úkraínu. Verið velkomin!
kl. 12.15 Bænastund í hádeginu. Beðið er fyrir fólki með nafni, tónlist er flutt og boðið upp á léttan málsverð á eftir fyrir þau sem vilja.
Kl. 14.30-16.00 Mál dagsins. Við byrjum með samsöng með Þórunni Björnsdóttur. Þá kemur Gísli Már Gíslason, prófessor Emerítus í Vatnalíffræði. Hann segir okkur frá skordýrum á Íslandi sem sjúga blóð. Kaffisamsæti á eftir.
Verið velkomin!
Sunnudaginn 19. apríl verður guðsþjónusta við Kópavogskirkju kl. 11.00. Sr. Grétar Halldór Gunnarsson prédikar og þjónar fyrir altari. Kór Kópavogskirkju syngur og organisti er Kristín Jóhannesdóttir. Verið velkomin!
