Þriðjudaginn 3. maí n.k. verður Mál dagsins í safnaðarheimilinu Borgum. Stundin hefst að venju kl.14:30 með samsöng undir stjórn Lenku Mátéová og Friðriks Kristinssonar. Um kl.15:10 heldur Auðólfur Gunnarsson, læknir erindi um Magnús „frater“. Um kl.15:30 er drukkið kaffi og stundinni lýkur kl.16:00 með bæn og blessun. Allir hjartanlega velkomnir.
Mánudaginn 25. apríl hófust Már Guðmundsson, málarameistari og samverkamenn hans við að mála Kópavogskirkju að utan. Vonast er til að verkinu ljúki hið fyrsta.
Messa verður sunnudaginn 1. maí n.k. í Kópavogskirkju kl. 11:00. Sr. Sigurður Arnarson, prédikar og þjónar fyrir altari ásamt Ástu Ágústsdóttur, djákna. Kór Kópavogskirkju syngur undir stjórn Lenku Mátéová. Til messunar eru boðuð sérstaklega fermingarbörn vorsins 2017 og foreldrar þeirra. Eftir messu verður stuttur fundur í kirkjunni um fermingarstarfið framundan.
Að venju hefst Mál dagsins kl. 14:30 í safnaðarheimilinu Borum með samsöng undir stjórn Lenku Mátéová og Friðriks Kristinssonar. Um kl. 15:10-15:30 munu félagar í Bókmenntaklúbbnum Hana – nú lesa ljóð. Um kl. 15:30 verður drukkið kaffi og stundinni lýkur kl. 16:00 með stuttri helgistund. Félagar í klúbbnum sem lesa eru:
UPPLESTUR
félaga í Bókmenntaklúbbi Hana – nú í Borgum, safnaðarheimili Kópavogskirkju, þriðjudaginn 26. apríl 2016 – sem Mál dagsins.
Lesinn verður ljóðaflokkur eftir Guðmund Böðvarsson: 1974
Þeir sem lesa hann eru
1. Sigurlaug Sigurðardóttir
2. Hermann Guðmundsson
3. Hulda Jóhannesdóttir
4. Þóra Elfa Björnsson
5. Lúðvík A. Halldórsson
6. Margrét Guðmundsdóttir
7. Valborg E. Baldvinsdóttir
8. Olga Ólafsdóttir
9. Auður Jónsdóttir
10. Elísabet Stella Sveinsdóttir
11. Hrafn A. Harðarson
12. Sigurður Flosason
Aðrir sem lesa ljóð að eigin vali:
Arnhildur Jónsdóttir
Kristjana H. Guðmundsdóttir
Geirlaug Egilsdóttir
Sigurður Kjartansson
Unnur Kristinsdóttir
Sunnudaginn 17. apríl var barna- og æskulýðsguðsþjónusta í Kópavogskirkju. Skólakór Kársnes söng undir stjórn Þórunnar Björnsdóttur. Hljómsveit sunnudagaskólakennurum lék. Að lokinni guðsþjónustu var uppskeruhátíð barnastarfsins, þar sem boðið var upp á pylsur og hoppukastala. Meðfylgjandi myndir voru teknar.
Kársnessöfnuður óskar eftir að ráða í starf kirkjuvarðar Kópavogskirkju frá og með 1. júní n.k.
Um hlutastarf er að ræða, 60 prósent starfshlutfall með sveigjanlegum vinnutíma. Möguleiki er á að tveir gegni starfinu.
Starfssvið:
• Dagleg umsjón með kirkju og safnaðarheimili • Umsjón með búnaði
• Þjónusta við helgihald
• Þrif
• Önnur tilfallandi verkefni í samstarfi við sóknarprest og sóknarnefnd
Hæfniskröfur:
• Þjónustulund, snyrtimennska og sveigjanleiki
• Færni í mannlegum samskiptum
• Þekking og áhugi á starfi og hlutverki kirkjunnar
Rík áhersla er lögð á trúmennslu í starfi og metnað til þess að takast á við mismunandi verkefni. Umsóknarfrestur er til og með 26. apríl 2016 nk. Umsóknir sendist rafrænt á netfangið: kopavogskirkja@ kirkjan.is
Umsækjendur sendi inn ferilsskrá þar sem fram koma: persónulegar upplýsingar, menntun, starfsferill, með- mælendur og annað sem umsækjendur vilja að komi fram. Athuga skal að liggja þarf fyrir samþykki umsækj- enda til að afla sakavottorðs.
Nánari upplýsingar eru veittar á skrifstofu safnaðarins af sóknarpresti eða djákna, sími 5541898 virka daga á milli 11:00-13:00 eða með því að senda tölvupóst á netfangið kopavogskirkja@kirkjan.is
Barna- og fjölskylduguðsþjónusta verður í Kópavogskirkju 17. apríl n.k. Sr. Sigurður Arnarson, Ásta Ágústsdóttir og starfsfólk sunnudagskólans leiða stundina. Skólakór Kársnes syngur undir stjórn Þórunnar Björnsdóttur. Hljómsveit tekur þátt. Eftir guðsþjónustuna verður uppskeruhátíð barnstarfsins við safnaðarheimilið Borgir. Boðið verður upp á grillaðar pylsur og hoppukastalar verða á svæðinu. Allir hjartanlega velkomnir.
Miðvikudaginn 13. apríl verður kirkjustarf fyrir 1-4 bekk í síðasta skipti á þessu vori.
