Guðsþjónusta verður í Kópavogskirkju 23. október n.k. kl. 11:00.  Afrískir fulltrúar á vegum Hjálparstarfs kirkjunnar segja frá og kynna starfsemina í Afríku.  Hanna Ágústa Olgeirsdóttir, nemandi úr Söngsskólanum í Reykjavík syngur einsöng.  Sr. Sigurður Arnarson þjónar fyrir altari.  Kór Kópavogskirkju syngur undir stjórn Lenku Mátéová.  Allir hjartanlega velkomnir.

Kirkjustarf fyrir 1-4 bekk hefst fimmtudaginn 6. október n.k.

Fyrir 1-2 bekk er á fimmtudögum kl. 14:00-15:00.

Fyrir 3-4 bekk er á fimmtudögum kl.15:30-16:30.

Starfið fer fram í safnaðarheimilinu borgum.  Með því að senda tölvupóst á netfangið: kopavogskirkja.is geta foreldrar eða forráðamenn óskað eftir því að náð sé í börn þeirra í Dægradvöl í Kársnesskóla og farið með þau þangað aftur að kirkjustarfinu loknu.  Allir hjartanlega velkomnir.

Barna- og fjölskylduguðsþjónusta verður í Kópavogskirkju sunnudaginn 2.október n.k. kl.11:00.  Skólakór Kársnes syngur undir stjórn Álfheiðar Björgvinsdóttir.  Allir hjartanlega velkomnir.

Fermingarnámskeið í Vatnaskógi verður fimmtudaginn 20. október 2016. Lagt af stað kl. 8:30 frá Kópavogskirkju (tilkynnt nánar þegar nær dregur).

Vetrarfermingarfræðsla fer fram eftir nánari samkomulagi.

 Æskulýðsfundir hefjast 6. október n.k. kl. 20:00 í safnaðarheimilinu Borgum.

 Sameiginleigir fermingarfræðlsutímar (fyrir síðsumars- og vetrarfermingarfræðslu) eru (áðir auglýstir timar falla niður):

27. október, kl. 20:00-21:30 (æskulýðsfundartími),

10. nóvember kl. 19:30-22:00 (á æskulýðsfundartíma). Í fræðsluna 10. nóvember eru annað hvort eða báðir foreldrar eða forráðamenn beðin um að mæta í fræðsluna (sýnd verður kvikmyndin Málmhaus).

18. janúar 2017 (miðvikudagur og starfsdagur í Kársnesskóla) frá kl. 08:30-13:00.

 Seinni fundur með fermingarbörnum og foreldrum og forráðamönnum verður eftir messu kl.11:00 sunnudaginn 29. janúar, 2016 og þá verður rætt um fermingarathöfnina og framkvæmd hennar.

Fermingardagar 2017 verða sem hér segir:

 Sunnudagurinn 2. apríl, 2017, kl.11:00

Pálmasunnudagur 9. apríl , 2017, kl.  11:00

Skírdagur 13. apríl, 2017, kl. 11:00

Fermingarbörn geta valið fermingardaga eins og undanfarin ár. Hver ferming tekur mislangan tíma en það fer eftir fjölda fermingarbarna hverju sinni. Allir eru að sjálfsögðu velkomnir í fermingarnar.

Æfingar fyrir fermingarmessur eru í Kópavogskirkju:

Sunnudaginn 2. apríl, kl. 11:00, þá verður æft 30 og 31. mars kl. 16:00-17:00

Pálmasunnudag 9. apríl, kl. 11:00, þá verður æft 6 og 7. apríl kl. 16:00-17:00.

Skírdag 13. apríl, kl.11:00, þá verður æft 10 og 11. apríl, kl. 16:00-17:00.

 

Séra Árni Pálsson lést 16. september síðastliðinn, 89 ára að aldri. Hann var fæddur á Stóra-Hrauni í Kolbeinsstaðahreppi 9. júní 1927, sonur Önnu Árnadóttur frá Stóra-Hrauni og Páls Geirs Þorbergssonar verkstjóra frá Syðri-Hraundal. Árni lauk stúdentsprófi frá Menntaskólanum í Reykjavík 1948 og guðfræðiprófi árið 1954. Hann sinnti ýmsum störfum, meðal annars kennslu við Gagnfræðaskólann við Lindargötu fram að því að hann tók vígslu 1961 og kenndi á Snæfellsnesi og við Þroskaþjálfaskólann meðfram prestsstörfum. Hann var sóknarprestur í Söðulsholti í Eyjahreppi 1961-1971 og þjónaði þá við sóknir á Mýrum og í Hnappadal. Varð sóknarprestur í Kársnesprestakalli árin 1971-1990 og síðan prestur á Borg á Mýrum 1990-1995.

Árið 1971 var Kópavogsprestakalli skipt upp í Kársnes- og Digranesprestakall og varð sr. Árni fyrsti sóknarprestur hér.  Sr. Árni var einstakur í framgöngu og framkomu með hjartahlýju sinni og öllu góðu.  Með þakklæti og virðingu þakkar Kársnessókn fyrir einstaka samfylgd með sr. Árna og fjölskyldu.  Guð geymi þau og leiði í öllu þeirra.

Jafnhliða preststörfum sinnti sr. Árni ýmsum félags- og trúnaðarstörfum meðal annars á sviði æskulýðsmála og á Snæfellsnesi var hann driffjöður í félagsstarfi hestamanna. Þá var hann þekktur sem snjall ræðumaður við ýmis tækifæri og oft kallaður til sem slíkur á góðum stundum. Einnig sinnti sr. Árni ýmsum félags- og trúnaðarstörfum fyrir hönd presta og skrifaði greinar um guðfræðileg efni og samfélagsmál í blöð og tímarit. Þá sinnti hann kennslu meðal annars við Þroskaþjálfaskóla Íslands sem starfræktur var í Kópavogi.

Eftirlifandi eiginkona sr. Árna er Rósa Björk Þorbjarnardóttir, fyrrverandi kennari og endurmenntunarstjóri. Börn þeirra eru Þorbjörn Hlynur prófastur á Borg, Þórólfur verkfræðingur, nú forstjóri Samgöngustofu, Anna Katrín ráðgjafi hjá Advania og Árni Páll alþingismaður og fyrrverandi ráðherra.

Útför séra Árna fer fram frá Hallgrímskirkju í Reykjavík fimmtudaginn 22. september klukkan 15.