Fréttir – Síða 14 – Kópavogskirkja

Allra heilagra messa

nóvember 1, 2022/in Fréttir/by Grétar Halldór Gunnarsson

Sunnudaginn 6. nóvember n.k. verður guðsþjónusta á “Allra heilagra messu” í Kópavogskirkju kl. 11:00. Þann dag er ávallt haldið upp á minningu þeirra sem eru látin.
Við munum minnast með nafni þeirra sem við höfum þurft að kveðja síðastliðið ár og kveikja á kerti til minningar um öll þau sem sem prestar Kópavogskirkju hafa jarðsungið á tímabilinu. Er aðstandendum þeirra boðið sérstaklega til guðsþjónustunnar.
Kór Kópavogskirkju syngur undir stjórn Lenku Mátéová. Flutt verður tónlist í kirkjunni frá kl. 10:30 og þá gefst kostur að tendra á sínu eigin bænaljósi við altari.
Börn geta sótt sunnudagaskóla sem hefst kl. 11:00 í safnaðarheimilinu Borgum.
Eftir guðsþjónustu verður stuttur fyrirlestur í safnaðarheimilinu Borgum um “sorg og sorgarviðbrögð”.
Allir eru að sjálfsögðu hjartanlega velkomnir.

Uppfærð gjaldskráð Prestafélags Íslands

október 31, 2022/in Fréttir/by Grétar Halldór Gunnarsson

Viðmiðunargjaldskrá Prestafélags Íslands

a. Skírn
Skírn – ekki innheimt fyrir skírn í guðsþjónustu.
Skírn á dagvinnutíma prests, 0,7 einingar – 7.640 kr.
Skírn utan dagvinnutíma prests, 1,4 einingar – 15.281 kr.
b. Fermingarfræðsla
Fermingarfræðsla, 2,0 einingar – 21.830 kr.
c. Hjónavígsla
Hjónavígsla á dagvinnutíma prests, 1,3 einingar – 14.189 kr.
Hjónavígsla utan dagvinnutíma, 2 einingar – 21.830 kr.
Æfing vegna hjónavígslu utan dagvinnutíma, 1 eining – 10.915 kr.
d. Kistulagning
Kistulagning á dagvinnutíma, 0,8 einingar – 8.732 kr.
Kistulagning utan dagvinnutíma, 1,5 eining – 16.372 kr.
e. Útför
Útför á dagvinnutíma prests, 3 einingar – 32.745 kr.
Útför utan dagvinnutíma, 3,6 einingar – 39.294 kr.
f. Jarðsetning
Jarðsetning duftkers eða kistu, sem ekki er í beinu framhaldi af útför, 1,4 eining – 15.281 kr.