Spennandi fjölskylduferð á laugardaginn með Sólrúnu Harðardóttur kennara og líffræðingum af Náttúrufræðistofu Kópavogs þar sem undraveröld Borgarholtsins verður skoðuð. Gangan hefst við Náttúrufræðistofu Kópavogs kl. 13 og varir í um 50 mínútur.
Öll hjartanlega velkomin og aðgangur að sjálfsögðu ókeypis.
https://www.facebook.com/events/791622095419519?ref=newsfeed
Kirkjustarf fyrir börn í 1-2.bekk hefst aftur 12. september n.k.
Kópavogskirkja er með spennandi og skemmtilegt kirkjustarf fyrir börn í 1.-2. bekk og fer starfið fram í safnaðarheimilinu Borgum á mánudögum frá 15:30-16:30.
Börnin syngja til dæmis: saman og læra um kristileg gildi. Einnig er farið í leiki, spilað, föndrað og perlað svo fátt eitt sé nefnt.
Boðið er upp á að sækja börnin í Vinahól/Frístund Kársneskóla og svo geta foreldrar náð í þau í safnaðarheimilið kl. 16:30 þegar starfinu lýkur. Ef óskað er eftir að náð sé í börnin í Frístund/Vinarhól þarf að hafa samband við þau og einnig að senda tölvupóst á netfangið: kopavogskirkja@kirkjan.is
Prjónahópur Kópavogskirkju hittist tvisvar í mánuði. Fyrsta og þriðja hvert þriðjudagskvöld hvers mánaðar yfir vetrartímann frá kl.19.30-21:30 í safnaðarheimilinu Borgum. Fólk kemur með hannyrðir s.s. prjóna, hekl og útsaum, spjallar og ber etv. saman bækur sínar og fær nýjar hugmyndir. Boðið er uppá kaffi og te.
Allir eru hjartanlega velkomnir.
Fyrsta prjónakvöld haustsins 2022 hefst 6. september.
