Guðsþjónusta 6. ágúst kl.11:00
Guðsþjónusta verður sunnudaginn 6. ágúst kl. 11:00 í Kópavogskirkju. Sr. Sigfús Kristjánsson, prédikar og þjónar fyrir altari. Guðný Einarsdóttir leikur á orgel.
Helgihald í sumar
Helgihald sumarið 2017 í Kópavogi
Þjóðkirkjusöfnuðurnir í Kópavogi verða eins og undanfarin ár í samstarfi um helgihald frá og með 11. júní til og með 13. ágúst í sumar. Í júní verða guðsþjónustur í Hjallakirkju, í júlí í Digraneskirkju og í ágúst í Kópavogskirkju og hefjast þær kl. 11:00.
Sunnudagaskóli verður á hverjum sunnudegi kl.11:00 í Lindakirkju ef frá er skilin verslunarmannahelgin.
Hjallakirkja 11. júní kl. 11:00. Sr. Guðmundur Karl Brynjarsson og sr. Sigurður Arnarson
Hjallakirkja 18. júní kl.11:00 Sr. Guðni Már Harðarson
Hjallakirkja 25. júní kl. sr. Gunnar Sigurjónsson.
Digraneskirkja 2. júlí kl.11:00. Sr. Karen Lind Ólafsdóttir.
Digraneskirkja 9. júlí kl. 11:00. Sr. Gunnar Sigurjónsson
Digraneskirkja 16. júlí kl. 11:00. Sr. Guðmundur Karl Brynjarsson
Digraneskirkja 23. júlí kl. 11:00. Sr. Magnús B. Björnsson
Digraneskirkja 30. júlí kl. 11:00. Sr. Sigurður Arnarson
Kópavogskirkja 6. ágúst kl. 11:00. Sr. Sigfjús Kristjánsson
Kópavogskirkja 13. ágúst kl. 11:00. Sr. Karen Lind Ólafsdóttir.
„Þar sem ég má næðis njóta“
Annan í hvítasunnu, mánudaginn 5. júní kl. 18:00 verður opnuð listsýning Guðbjargar Lindar Jónsdóttur í safnaðarheimili Kópavogskirkju, Borgum (skáhalt gengt Gerðarsafni). Sýningin samanstendur af úrvali verka úr eigu listamannsins. Kór unglinga frá Lúxemborg mun syngja nokkur lög í tilefni opnunarinnar. Viðfangsefni Guðbjargar Lindar hafa löngum tengst vatni, fyrst fossum og síðar sjávarfletinu þar sem eyjar og bátar fljóta á yfirborðinu eða fjallshlíðar og eyrar teyja sig út á hafflötinn. Í verkum Guðbjargar Lindar segir af ferðalagi á vit veraldar þar sem skyna má hið upphafna í sjálfum einfaldleikanum. Sýningin er opin virka daga á milli 09:00-13:00 (lokað í júlí) og eftir samkomulagi (kopavogskirkja@kirkjan.is) www. gudbjorglind.is
Allir hjartanlega velkomnir.
Guðsþjónusta á Hvítasunnudag 4. júní kl.11:00
Sr. Sigurður Arnarson, prédikar og þjónar fyrir altari. Kór Kópavogskirkju syngur undir stjórn Lenku Mátéová, kantors. Barnakór frá Luxemborg syngur. Lesnir verða ritningarlestrar og bæna beðið á nokkrum tungumálum. Allir hjartanlega velkomnir.
Engin guðsþjónusta verður 28. maí
Engin guðsþjónusta verður 28. maí í Kópavogskirkju. Næsta guðsþjónusta verður á hvítasunnudag 4. júní kl. 11.00.
Guðsþjónusta á Uppstigningardegi 25. maí. Dr. Karl Sigurbjörnsson, biskup prédikar
Guðsþjónusta verður kl. 14:00 á Uppsigingardegi, degi aldraðra í Þjóðkirkjunni 25. maí í Kópavogskirkju. Dr. Karl Sigurbjörnsson, biskup prédikar. Sr. Sigurður Arnarson og Ásta Ágústsdóttir, djákni þjóna fyrir altari. Kór Kópavogskirkju syngur undir stjórn Lenku Mátéová. Eftir guðsþjónustuna býður sóknarnefnd Kópavogskirkju viðstöddum að þiggja veitingar í safnaðarheimili Kópavogskirkju. Í kaffinu mun Kór Kópavogskirkju syngja nokkur lög. Rútuferð verður fyrir guðsþjónustu frá hjúkrunarheimilinu Sunnuhlíð. Allir hjartnalega velkomnir.
Mál dagsins 23. maí
Mál dagsins verður 23. maí og hefst með samsöng kl. 14:30 undir stjórn Friðriks Kristinssonar og Lenku Mátéová. Klukkan 15:10-15:30 flytur Rakel Þorbergsdóttir, fréttastjóri á Sjónvarpinu erindi um fréttastofuna. Kl. 15:30 verður drukkið kaffi og stundinni lýkur kl. 16:00 með bæn og blessun. Allir hjartanlegar velkomnir.
Mál dagsins 16. maí
Mál dagsins þann 16. maí n.k. hefst að venju kl.14:30 með samsöng undir stjórn Lenku Mátéová og Friðriks Kristinssonar í safnaðarheimilinu Borgum. Um kl. 15:10-15:30 flytur sr. Guðmundur Karl Brynjarsson, sóknarprestur í Lindakirkju erindi um ljóðlist. Kaffi er drukkið kl.15:30 og stundinni lýkur með bæn og blessun kl. 16:00. Allir hjartanlega velkomnir.
Basar 14. maí
Basar var haldinn sunnudaginn 14 maí síðastliðinn í safnaðarheimilinu Borgum. Félagar í Máli dagsins stóðu fyrir basarnum og var safnað fyrir endurbótum á Kópavogskirkju. Meðfylgjandi myndir voru teknar.
Fermingar vorið 2018
Síðsumarnámskeið verður 14. til 17. ágúst, 2018 frá kl. 9:15-12:30 í safnaðarheimilinu Borgum. Skráningarblöð má nálgast með að senda tölvupóst á: kopavogskirkja@kirkjan.is
Vetrarfermingarfræðsla verður vikulega næsta vetur eftir samkomulagi.
Messur 20. ágúst 2017 og 28. janúar 2018 og fundur með foreldrum eftir messu.
Mikilvægt er að foreldrar og fermingarbörn komi á þessa fundi.
Í haust förum við í Vatnaskóg og dveljum þar í einn dag. Farið verður í Vatnaskóg 18. október kl. 8:30 frá Kópavogskirkju og komið til baka að Kópavogskirkju eftir kvöldmat í Vatnaskógi.
Sameiginlegir fermingarfræðslutímar (fyrir bæði síðsumarfræðslu- og vetrarfræðsluhóp): 3. janúar og 13. mars 2018 frá kl. 09:30-12:15 í safnaðarheimilinu Borgum.
Aukatímar gætu orðið á laugardögum kl. 11:00 ef einhverjir komast ekki á fyrirframskipulögðum fræðslutímum.Það yrði auglýst síðar.
Bækurnar sem eru notaðar heita: Con Dios og Kirkjulykill (fást í bókabúðum og Kirkjuhúsinu á Laugarvegi). Hægt er að fá Nýja testamenntið gefins hjá okkur og Sálmabókin er lánuð.
Einnig er ef til vill hægt að semja við við fermingarbörn frá síðustu árum um not eða kaup á bókinni.
Mikilvægt er að eignast bókina strax, svo við getum verið samferða í tímunum. Einnig skal hafa með sér í alla tíma A4 verkefnabók.
Messur í vetur!
Fermingarbörnin eru hvött til að sækja helgihald eins vel og unnt er og að sjálfsögðu allir velkomnir með þeim.
Í helgihaldið eru fermingarbörnin beðin um að taka með sér „Kirkjulykilinn“ og fylla út sérstök kirkjusóknarblöð í bókinni.
Fermingarbörn skrá sig hjá kirkjuverði eftir hverja messu.
Foreldrar eru einnig hvött til að sækja helgihaldið með sínum unglingum.
Í messunum og guðsþjónustunum er beðið um að fermingarbörn taki tillit til annarra kirkjugesta og hafa í huga að þau eru á helgum stað. Beðið eru um að farsímar (snjallsímar) séu alls ekki í notkun á meðan helgihaldinu stendur, það sé slökkt á þeim.
Við, sem söfnuður, eigum saman kirkjuhúsið og safnaðarheimilið.
Íbúar sóknarinnar, sem eru skráðir í þjóðkirkjuna, greiða til kirkjunnar sóknargjöld sem standa undir öllum rekstri hennar. Göngum þess vegna vel um kirkjuna okkar og hugsum vel um han
Fermingardagar 2018 verða sem hér segir:
Sunnudagurinn 18. mars, 2018, kl.11:00
Pálmasunnudagur 25. mars , 2018, kl. 11:00
Skírdagur 29. mars, 2018, kl. 11:00
Fermingarbörn geta valið fermingardaga eins og undanfarin ár. Hver ferming tekur mislangan tíma en það fer eftir fjölda fermingarbarna hverju sinni. Allir eru að sjálfsögðu velkomnir í fermingarnar.
Æfingar fyrir fermingarmessur eru í Kópavogskirkju:
Sunnudaginn 18. mars, kl. 11:00, þá verður æft 15 og 16. mars kl. 16:00-17:00
Pálmasunnudag 25. mars, kl. 11:00, þá verður æft 22. og 23. mars kl. 16:00-17:00.
Skírdag 29. mars, kl.11:00, þá verður æft 26. og 27. mars, kl. 10:00-11:00.
Kópavogskirkja á heimasíðu:
www.kopavogskirkja.is
Þar leitumst við að hafa allar upplýsingar um starfið og ýmsa aðra þætti.
Fermingarfræðslugjald er 19.146 krónur samkvæmt ákvörðun Innanríkisráðuneytisins (ef gjaldskrá breytist verður það kynnt sérstaklega).
Greiðslukröfur koma í heimabanka fyrir síðsumarsfræðsluna í byrjun ágúst.
Ef óskað er eftir að greiða gjaldið síðar vinsamlega sendið tölvupóst á netfagnið: sigurdur.arnarson@kirkjan.is
VIÐ NOTUM TÖLVUPÓST Í SAMSKIPTUM
MIKILVÆGT AÐ FÁ NETFÖNG FERMINGARBARNA OG FORELDRA TIL AÐ ALLAR UPPLÝSINGAR BERIST GREIÐLEGA. Allar upplýsingar varðand safnaðarstarfið verða birtar á www.kopavogskirkja.is
