21.08.2019 12:15

Leiðsögn með séra Sigurði Arnarsyni sóknarpresti sem segir frá steindum gluggum Gerðar Helgadóttur í Kópavogskirkju. Sr. Sigurður veitir innsýn í nýjar framkvæmdir sem áttu sér stað á gluggum á suðurhlið kirkjunnar en hluti glugganna voru teknir niður og sendir til viðgerða til Oidtmann bræðra í Þýskalandi, sem er sama glerverkstæði og Gerður vann með í lifanda lífi.

Gerður nam gluggagerðarlist í París hjá hinu þekkta Barillet verkstæði og skarta fjölda kirkjur gluggum eftir hana bæði erlendis og á Íslandi og má þar nefna Skálholtskirkju, sem var það verk sem listakonan mat sjálf einna mest.

Erindið er liður í dagskránni Menning á miðvikudögum á vegum Menningarhúsanna í Kópavogi sem eru Bókasafn Kópavogs, Gerðarsafn, Náttúrufræðistofa, Héraðsskjalasafn og Salurinn.

Aðgangur er ókeypis og allir velkomnir.

Guðsþjónusta verður í Kópavogskirkju sunnudaginn 11. ágúst klukkan 11:00. Sr. Sigurður Arnarson, prédikar og þjónar fyrir altari. Lenka Mátéová, kantor annast undirleik. Allir hjartanlega velkomnir.

Þjóðkirkjusöfnuðirnir í Kópavogi eru með samstarf um sumarhelgihaldið líkt og fyrri sumur en skipulagið er þannig að í júní verður messað í Hjallakirkju, júlí í Digraneskirkju og fyrri part ágúst í Kópavogskirkju. Hefðbundið helgihaldi í Kópavogskirkju hefst aftur 16. ágúst kl. 11:00. Prestar kirknanna skipta með sér messum sem eru alla jafna kl. 11.00 á sunnudögum í sumar. Einnig eru guðsþjónustur og messur kl. 20:00 í Lindakirkju utan 28. júlí og 4. ágúst.
Vaktsími presta vegna útkalla í Kópavogi er 843-0444.

Helgistund verður sunnudaginn 2. júní kl. 11:00 í Kópavogskirkju. Ingimar Helgason, guðfræðingur leiðir stundina. Félagar úr Kór Kópavogskirkju syngja undir stjórn Lenku Máteóvá. Allir hjartanlega velkomnir.

Guðsþjónusta verður í Kópavogskirkju 30. maí n.k. kl.14:00. Sr. Kristján Björnsson, vígslubiskup í Skálholti vísiterar Kársnessöfnuð og prédikar í guðsþjónustunni. Sr. Sigurður Arnarson, sóknarprestur og Ásta Ágústsdóttir, djákni þjóna fyrir altari. Félagar úr Kór Kópavogskirkju syngja undir stjórn Lenku Mátéová, kantors. Á eftir guðsþjónustu er kirkjugestum boðið að þiggja veitingar í boði sóknarnefndar í safnaðarheimilinu Borgum. Skólakór Kársness mun syngja undir stjórn Þórunnar Björnsdóttur. Allir hjartanlega velkomnir.