Archive for category: Frontpage Article

Björgvin Jónsson, vörubifreiðarstjóri var jarðsungin frá Kópavogskirkju þann 8. ágúst síðastliðinn. Björgvin fæddist í Vestmannaeyjum þann 15. nóvember árið 1934 og lést þann 30. júlí síðastliðinn. Hann tók í áratugi þátt í safnaðarstarfi Kársnessafnaðar með ýmsum hætti. Kársnessókn þakkar samskipti og vináttu við Björgvin og minnist hans með virðingu og þökk.

Fermingarfræðsla og fermingar  vorið 2026 í Kópavogskirkju

https://forms.gle/wTt6sxmUPiG8LZBn9

Síðsumarsfermingarfræðslan verður 20, 21 og 22. ágúst, 2025 frá kl. 9:00-13:00 í safnaðarheimilinu Borgum og Kópavogskirkju.Vetrarfermingarfræðsla (fyrir þau sem ekki eru á síðsumarsnámskeiðinu) verður vikulega næsta vetur frá og með byrjun september, 2025 í safnaðarheimilinu Borgum (nánar tilkynnt síðar).

Messur 24. ágúst 2025 og 25. janúar 2026 og fundur með foreldrum eftir messu.  Mikilvægt er að foreldrar og unglingarnarikomi á þessa fundi.Í vetur verður farið í dagferð í Skálholt (dagsetning nánar tilkynnt síðar.)

Sameiginlegir fermingarfræðslutímar (fyrir bæði síðsumarfræðslu- og vetrarfræðsluhóp, nokkrir hálfir dagar fyrir og eftir áramót, nánar tilkynnt síðar).Aukatímar gætu orðið ef einhverjir komast ekki á fyrirframskipulögðum fræðslutímum. Það yrði auglýst síðar.Bækurnar sem eru notaðar heita: Con Dios og Kirkjulykill (við lánum Con Dios og seljum Kirkjulykilinn á 1.200 kr.).  Hægt er að fá Nýja testamenntið gefins hjá okkur og Sálmabókin er lánuð.

Áríðandi er að fermingarbörn sæki helgihald eins vel og unnt er og að sjálfsögðu allir velkomnir með þeim. Í helgihaldið eru fermingarbörnin beðin um að  taka með sér „Kirkjulykilinn“ og fylla út sérstök kirkjusóknarblöð í bókinni. Fermingarbörn skrá sig hjá kirkjuverði eftir hverja messu. Foreldrar eru einnig hvött til að sækja helgihaldið með sínum unglingum.Í messunum og guðsþjónustunum er beðið um að fermingarbörn taki tillit til annarra kirkjugesta og hafa í huga að þau eru á helgum stað.  Beðið eru um að farsímar (snjallsímar) séu  ekki í notkun á meðan helgihaldinu stendur, það sé slökkt á þeim. Við, sem söfnuður, eigum saman kirkjuhúsið og safnaðarheimilið.  Íbúar sóknarinnar, sem eru skráðir í Þjóðkirkjuna, greiða til kirkjunnar sóknargjöld sem standa undir öllum rekstri hennar. Göngum vel um kirkjuna okkar og hugsum vel um hana.

Fermingardagar 2026  verða sem hér segir:

Sunnudag 22. mars, 2026, ef fleiri en 20 skrá sig þann dag verður fermt kl.11:00 og 13:00. Ef færri en 20 skrá sig á daginn er fermt kl. 11:00. 

Svo þetta liggi sem fyrst ljóst fyrir er mikilvægt að skrá unglingana sem í fræðsluna við fyrsta tækifæri.

Pálmasunnudag 29. mars, 2026 kl.11:00

Skírdagur 2. apríl 2026, kl. 11:00

Fermingarbörn geta valið fermingardaga eins og undanfarin ár. Hver ferming tekur mislangan tíma en það fer eftir fjölda fermingarbarna hverju sinni.  Allir eru að sjálfsögðu velkomnir í fermingarnar.

Æfingar fyrir fermingarmessur eru í Kópavogskirkju, vorið 2026:

Sunnudag 22. mars, 2026, kl. 11:00

Æfingar eru 20. mars kl. 16:15-17:00 fyrir hópinn sem fermist kl. 11:00 og

20. mars kl. 17:15-18:00 ef fermt verður þann 22/3/26 kl. 13:00 (kemur endanlega í ljós þegar skráningum í fræðsluna er lokið og því mikilvægt að skrá unglingana sem fyrst).

Pálmasunnudagur 29. mars, 2026 kl.  11:00.

Æfing 27. mars kl. 16:15-17:00

Skírdagur 2. apríl 2026, kl. 11:00.

Æfing 30. mars kl. 10:00-11:00.

Kópavogskirkja er á Facebook, Instagram, Tik Tok og heimasíðan er: www.kopavogskirkja.is  Þar leitumst við að hafa upplýsingar um starfið.Fermingarfræðslugjald er 24.992kr. krónur samkvæmt viðmiðunargjaldskrá Prestafélags Íslands frá 1. apríl 2025. Gjald fyrir síðsumarfermingarfræslu greiðist í ágúst n.k. Ef óskað er eftir að greiða gjaldið síðar vinsamlega sendið tölvupóst á netfagnið: kopavogskirkja@kirkjan.isVIÐ NOTUM TÖLVUPÓST Í SAMSKIPTUM– MIKILVÆGT AÐ FÁ NETFÖNG FORELDRA og FORRÁÐAFÓLKS TIL AÐ ALLAR UPPLÝSINGAR BERIST GREIÐLEGA.  Allar upplýsingar varðand safnaðarstarfið verða birtar á www.kopavogskirkja.is

Skannið enn kvóðann til að komast í skráningarform fyrir fermingar og fræðslu 2026 í Kópavogskirkju