Fermingarfræðsla framundan og gátlisti fyrir próf í fermingarfræðslu

/in , /by

Fermingarstarfið frá janúar til mars 2016

Æskulýðsfundir hefjast aftur 2. febrúar n.k. kl.20:00-21:30 í safnaðarheimilinu Borgum.

Vetrarfermingarfræðsla (þau sem eru ekki í síðsumarfermingarfræðslunni) Tímar í febrúar, 1,8,15,22,29 Tímar í mars, 7, (próf)

Sameiginlegir fermingarfræðslutímar (fyrir bæði síðsumarfræðslu- og vetrarfræðsluhóp): 22. febrúar og 7. mars, 2016.

Kennt er frá kl. 16:00-16:40

Mátun fermingarkyrtla verður eftir fermingarfræðslu 22. febrúar n.k.

Kyrtilgjald er 1000 kr

Fundur verður með fermingarbörnumog foreldrum eftir messu kl.11:00 sunnudaginn 31. janúar, 2016 og þá verður rætt um fermingarathöfnina og framkvæmd hennar.

Fermingardagar 2016 verða sem hér segir:

Pálmasunnudagur 20. mars kl. 11:00

Skírdagur 24. mars, 2016 Kl. 11:00 Hver ferming tekur mislangan tíma en það fer eftir fjölda fermingarbarna hverju sinni. Allir eru að sjálfsögðu velkomnir í fermingarnar.

Æfingar fyrir fermingar eru í Kópavogskirkju (miklvægt að allir séu á æfingum):

Pálmasunnudag 20. mars, kl. 11:00, þá verður æft 17. og 18. mars kl. 16:00-17:00.

Skírdag 24. mars, kl.11:00, þá verður æft 21. og 22. mars, kl. 16:00-17:00.

Kópavogskirkja á heimasíðu:
www.kopavogskirkja.is
Þar leitumst við að hafa allar upplýsingar um starfið og ýmsa aðra þætti.

VIÐ NOTUM TÖLVUPÓST Í SAMSKIPTUM (kopavogskirkja@kirkjan.is)
MIKILVÆGT AÐ FÁ NETFÖNG FERMINGARBARNA OG FORELDRA TIL AÐ ALLAR UPPLÝSINGAR BERIST GREIÐLEGA

Gátlisti fyrir próf í fermingarfræðslu í Kársnessókn, 7. mars, 2016

Til prófs er efni úr bókunum: „Con Dios“ og Kirkjulykilinn.

Spurningar úr „Con Dios“

  1. Hver er „Gullna reglan um vináttuna“?
  2. Hverjir voru lærisveinar Jesú Krists og hvert var þeirra hlutverk?
  3. Lærið utanað tilvitnanir í Jesú (sjá bls. 24-25 í Con Dios)?
  4. Hvernigi getum við hjálpað öðrum?
  5. Hvað gerðist í lífi Jesú Krists, á skírdegi, föstudeginum langa, páskadegi og á uppstigningardegi?
  6. Hvað fjallar Biblían um?
  7. Hvað skiptist Biblían í marga hluta, hvað er hún margar bækur og hver eru guðspjöllin?
  8. Læra boðorðin 10 utan að og geta útskýrt meiningu þeirra.
  9. Hvað þýðir orðið fasta?
  10. Hvert er „Tvöfalda kærleiksboðorðið“?
  11. Kunna „Faðir vor“.
  12. Hvað getur þú sagt við Guð?
  13. Hvað er skírn?
  14. Hvað er ferming?
  15. Kunna trúarjátninguna.
  16. Hvað snýst fyrirgefning um?
  17. Hvað er trú?
  18. Lesa vel bls. 94 og kunna

Spurningar úr „Kirkjulyklinum

  1. Hvað eru skakramennti og hver eru þau?
  2. Hvað þýðir orðið amen?
  3. Hverjir eru litir kirkjuársins (sjá opnuna í „Kirkjulykilinum“)?

Að eilífu ——Amen – námskeið um bænina í Árbæjarkirkju

/in , /by

Faðirvorið eða Bæn Drottins eins og hún er oft nefnd er bænin sem Jesús kenndi fólki þegar það bað hann um að kenna sér að biðja. Þessi bæn er beðin út um allan heim af milljónum manna og hefur verið beðin í u.þ.b. 2000 ár á ýmsum tungumálum. Margir hafa lært hana utan að sem börn en lítið velt fyrir sér merkingu hennar á fullorðinsárum. En þessi bæn er mjög innihaldsrík við nánari skoðun. Hún er góð fyrirmynd annarra bæna og því tilvalin til þess að byggja bænalíf sitt á.

Miðvikudaginn 10. febrúar hefst námskeið um Faðirvorið í Árbæjarkirkju. þar sem rætt verður um bæn og bænaiðkun út frá bæninni sem Jesús kenndi. Þetta námskeið er fyrir alla sem vilja vita meira um Faðirvorið og bænalíf eða hafa áhuga á kristindómnum og vilja dýpka skilning sinn á kristinni trú. Námskeiðið stendur yfir í 6 vikur, á miðvikudagskvöldum frá kl:19:30-21:30. Það hefst 10. febrúar og lýkur 16. mars. Námskeiðið er öllum opið og kostar 3000 krónur. Leiðbeinandi er sr. Petrína Mjöll Jóhannesdóttir. Skráning fer fram á netfanginu: petrina@arbaejarkirkja.is og í gegnum síma Árbæjarkirkju: 587-2405

Mál dagsins

/in , /by

Næsta „Mál dagsins“ verður þriðjudaginn 9. febrúar n.k. kl. 14:30 í safnaðarheimilinu og hefst að venju með samsöng undir stjórn Friðriks Kristinssonar og Lenku Máteóvá.  Klukkan 15:10 flytur Anna Klara Georgsdóttir frá Kópavogsbæ erindi um móttöku bæjarins á flóttamönnum frá Sýrlandi.  Klukkan 15:30 verður drukkið kaffi.  Stundinni lýkur kl. 16:00 með stuttri helgistund.  Allir velkomnir.

Barna- og fjölskylduguðsþjónusta 7. febrúar

/in , /by

Barna- og fjölskylduguðsþjónusta verður í Kópavogskirkju sunnudaginn 7. febrúar n.k. kl. 11:00.  Sr. Sigurður Arnarson og Þóra Marteinsdóttir leiða stundina.  Félagar úr 3. bekk í Skólakór Kársnes syngja undir stjórn Álfheiðar Björgvinsdóttur.  Barn borið til skírnar.  Sunudagskólinn tekur þátt í stundinni. Allir hjartanlega velkomnir.

Kópavogskirkja og sólin

/in , /by

Nýlega tók Björg Eysteinsdóttir meðfylgjandi mynd af kirkjunni.

Prjónahópur

/in , /by

Prjónahópur Kópavogskirkju hittist 1 og 3 fimmtudag í hverjum mánuði í safnaðarheimilinu Borgum kl.20:00.  Allir hjartanlega velkomnir.

Útskorin gestabók

/in , /by

Miðvikudaginn 27. janúar síðastliðinn fór fram frá Kópavogskirkju útför Guðmundínu Oddbjargar Magnúsdóttur eða Mundu eins og hún var kölluð.  Munda var búsett í sókninni í áratugi.  Hún skar ýmislegt út í tré meðal annars gestabók með Kópavogskirkju framan á.   Meðfylgjandi ljósmynd var tekin af þessu fallega handverki Mundu.

Messa 31. janúar n.k.

/in , /by

Messa verður 31. janúar n.k. kl. 11:00 í Kópavogskirkju.  Sr. Sigurður Arnarson, prédikar og þjónar fyrir altari ásamt Ástu Ágústsdóttur, djákna.  Kór Kópavogskirkju syngur undir stjórn Lenku Mátéová.  Sunnudagaskólinn hefst í kirkjunni en flyst síðan í safnaðarheimilið Borgir.  Til messunnar eru boðin fermingarbörn vorsins og foreldrar þeirra.  Eftir messu verður fundur í kirkjunni með fermingarbörnum og foreldrum þeirra.