Archive for category: Fréttir

Farið verður þriðjudaginn 19. september kl. 09:45 frá safnaðarheimilinu Borgum.  Haldið verður í vesturbæ Reykjavíkur og þar staðarskoðun að hætti sr. Sigurðar Arnarsonar.  Klukkan 10:30 tekur Jón Atli Benediktsson, rektor Háskóla Íslands á móti hópnum í Veröld húsi stofunar Vigdísar Finnbogadóttur, síðan verður húsið og starfsemi þess skoðuðu.  Klukkan 12:15 verður hádegisverður á Hotel Natura og Pétur J. Johnsson mun segja frá Reykjavíkur flugvelli og einhverjum flugvélum, sem þar hafa haft viðkomu á leið sinni yfir hafið.  Klukkan 13:30 verður haldið, sem leið liggur í Mosfellsdal og hann skoðaður undir leiðsögn Bjarka Bjarnason.  Gljúfrasteinn Halldórs Laxnes verður heimsóttur.  Áætluð heimkoma í safnaðarheimilið Borgir er um kl.17:00.  Ferðin kostar 6.000 kr og ferðir og matur og kaffi eru innifalin.  Allir hjartanlega velkomnir.  Sætaframboð er takmarkað og skráningu á skrifstofu safnaðarins (sími: 5541898, opið virka daga á milli 9-1) lýkur 15. september n.k.

Guðsþjónusta verður sunnudaginn 17. september n.k. kl.11:00.  Dr. Sigurjón Árni Eyjólfsson, héraðsprestur prédikar og þjónar fyrir altari.  Kór Kópavogskirkju syngur undir stjórn Lenku Mátéová.  Sunnudagaskólinn hefst kl.11:00 í safnaðarheimilinu Borgum.  Allir að sjálfsögðu hjartanlega velkomnir.

Fyrirbænastundir eru í Kópavogskirkju á þriðjudögum kl. 13:45.  Hægt er að koma fyrirbænaefnum með því að senda tölvupóst: kopavogskirkja.is eða hringja á skrifstofu kirkjunnar, á virkum dögum á milli 9-13 (5541898).

Barna- og fjölskylduguðsþjónusta verður í Kópavogskirkju sunnudaginn 10. september n.k. klukkan 11:00.  Sunnudagaskólinn tekur þátt í guðsþjónustunni.  Allir að sjálfsögðu hjartanlega velkomnir.

Þann 13. september n.k. kl.20:00 ætlar Kór Kópavogskirkju að fagna liðnu sumri og syngja inn haustið með vorvísum og fleiri fallegum lögum.  Tónleikagestum veður boðið upp á kaffi og kökur undir söng kórsins.

Kór Kópavogskirkju hefur starfað undir stjórn Lenku Matéová frá hausti 2008. Aðal tilgangur kórsins er að syngja við helgihald Kópavogskirkju en auk þess heldur kórinn tvenna tónleika á ári.  Meðal stórra verkefna kórsins á undanförnum árum eru: Messa í dúr eftir Dvorak ásamt Kór Hjallakrikju, Stabat Mater eftir Pergolesi og Messa í g dúr eftir Schubert.

Einkunnarorð kórsins eru gleði og gæði þar sem allir fá að njóta sín.  Meðal kórfélaga er að finna bæði menntaða söngvara og áhugafólk.  Meðleikari á tónleikunum verður Peter Maté.