Helgihald framundan í Kópavogskirkju í nóvember og desember 2016

/in /by

 

Dagsetning        Tími  Tegund helgihalds      Prestur/Djákni                         Annað

  1. nóvember 11:00 Guðsþjónusta                            Dr. Sigurjón Árni Eyjólfsson
  2. nóvember 11:00 Guðsþjónusta                            Sr. Sigurður Arnarson                1. sunnudagur í aðventu
  3. desember 11:00 Barna- og fjölskylduguðsþjónusta           Sr. Sigurður Arnarson                2. sunnudagur í aðventu, Skólakór Kársnes, Afar-ömmur
  4. desember 11:00 Barna- og fjölskylduguðsþjónusta           Sr. Sigurður Arnarson                3. sunnudagur í aðventu, Leiksskólinn Kópasteinn
  5. desember 11:00 Guðsþjónusta                            Dr. Sigurjón Árni Eyjólfsson
  6. desember 15:00 Helgistund fjölskyldunnar                       Sr. Sigurður Arnarson             Aðfangadagur
  7. desember 18:00 Aftansöngur                              SA og Ásta Ágústsdóttir, prédikar           Aðfangadagur
  8. desember 14:00 Hátíðarguðsþjónusta                  Sr. Sigurður Arnarson                Jóladagur
  9. desember 15:15 Hátíðarguðsþjónusta í Sunnuhlíð Sr. Sigurður Arnarson                Jóladagur
  10. desember 18:00 Aftansöngur                              Sr. Sigurður Arnarson                Gamlársdagur
  11. janúar 14:00 Hátíðarguðsþjónusta                  Dr. Sigurjón Árni Eyjólfsson       Nýjarsdagur, gestaprédikari
  12. janúar 11:00 Guðsþjónusta                            Sr. Sigurður Arnarson                Guðsþjónusta fyrir Ellimálaráð.  Skólakór Kársnes syngur

Sameiginleg fermingarfræðsla 17. nóvember kl. 19:30

/in , /by

Fermingarfræðsla fyrir allan hópinn verður fimmtudaginn 17. nóvmeber n.k. kl. 19:30 í safnaðarheimilinu Borgum.  Sýnd verður kvikmyndin Málmhaus eftir Ragnar Bragason.  Eftir sýningu mun Ragnar fjalla um myndina og viðfangaefni hennar.  Sr. Sigurður mun ræða um sorg og sorgarviðbrögð vegna andláta.  Foreldrar fermingarbarna eru hvött til að koma til fræðslunnar ásamt sínum unglingum.

Guðsþjónusta 20. nóvember kl. 11:00

/in , /by

Guðsþjónusta verður í Kópavogskirkju sunnudaginn 20. nóvember kl. 11:00.  Dr. Sigurjón Árni Eyjólfsson, héraðsprestur prédikar og þjónar fyrir altari.  Kór Kópavogskirkju syngur undir stjórn Lenku Mátéová.  Sunnudagssmiðja fyrir börn á sama tíma í safnaðarheimilinu Borgum.  Allir hjartanlega velkomnir.

Mál dagsins

/in , /by

Næsta Mál dagsins verður þriðjudaginn 15. nóvember n.k. kl. 14:30 og hefst með samsöng undir stjórn; Lenku Mátéová og Friðriks Karlssonar.  Um kl. 15:10 flytur Kristján Schram erindi um hvernig auglýsingar verða til.  Klukkan 15:30 er drukkið kaffi og stundinni lýkur kl. 16:00 með bæn og blessun.  Allir hjartanlega velkomnir.

Fyrirbænastundir á þriðjudögum kl. 12:10 í Kópavogskirkju

/in , /by
Á þriðjudögum kl. 12:10 eru bænastundir í Kópavogskirkju.  Eftir bænastundir er boðið upp á hádegisverð gegn vægu gjaldi.  Þriðjudaginn 8. nóvember var boðið upp á arabískan mat sem hjónin Nazim og Linda frá Sýrlandi bjuggu til ásamt Steinunni Ólafsdóttur, kirkjuverði.  Eldri félagar úr Karlakór Reykjavíkur voru á sama tíma að æfa í safnaðarheimilinu og komu við á leið til kirkju og sungu fyrir viðstadda við mikinn fögnuð.img_4063

Barna- og fjölskylduguðsþjónusta

/in , /by

Barna- og fjölskylduguðsþjónusta verður sunnudaginn 13. nóvember n.k. kl. 11:00.  Skólakór Kárnes syngur undir stjórn Álfheiðar Björgvinsdóttur.  Allir hjartanlega velkomnir.

Mál dagsins 8. nóvember

/in , /by

Mál dagsins 8. nóvember hefst að venju kl. 14:30 með samsöng undir stjórn Lenku Mátéová og Friðriks Kristinssonar.  Klukkan 15:10-15:30 heldur Gestur Jónsson, hæstarréttarlögmaður erindi.  Kl.15:30 er drukkið kaffi og stundinni lýkur kl. 16:00 með bæn.  Allir hjartanlega velkomnir.

Sunnudagasmiðja

/in , /by
Við erum gríðarlega ánægð með þann áhuga sem skapast hefur í kringum sunnudagssmiðju kirkjunnar en um er að ræða starf sem er frábrugðið hefðbundna sunnudagaskólanum. 
 
Krakkarnir sem mæta í Borgir klukkan 11.00 á sunnudagsmorgnum hafa verið að vinna með ýmis listform, nú síðast leiklist. Þemað í vinnunni er kærleikur og hefur margt fallegt fæðst í þessari yndislegu stund. 
 
Tvo síðustu sunnudaga höfum við búið til sögur saman þar sem hver og einn leggur af mörkum eina setningu til að mynda eina heild. Einu fyrirmælin í sögustundinni er að sagan eigi að snúast um kærleik. Það hefur ekki vafist fyrir krökkunum og hafa þau til dæmis sagt sögu af dreng sem óhlýðnaðist móður sinni, fór einn að ganga út í skógi og hjálpaði litlum kettling og eignaðist úlf að vin. 
 
Síðasta sunnudag kenndum við krökkunum að það væri vel hægt að búa til sínar eigin bænir, en við biðjum alltaf í byrjun og lok smiðjunnar. Krakkarnir bjuggu til alveg hreint yndislega bæn og við stöndumst ekki mátið að sýna ykkur hana: 
 
Góði Guð
Ég vil biðja þig um að blessa þessa sunnudagssmiðju.
Viltu blessa alla sem mér þykir vænt um,
og alla sem eiga bágt. 
Viltu blessa alla sem eru á ferðinni í umferðinn
því það er orðið svo dimmt.
Amen
 
Endilega kíkið við í kærleikssmiðjuna í Borgum klukkan 11.00 á sunnudagsmorgnum.

Guðsþjónusta (allra heilagra messa) 6. nóvember kl. 11:00

/in , /by

 

Sunnudaginn 6. nóvember n.k. verður guðsþjónusta á “Allra heilagra messu” í Kópavogskirkju kl. 11:00.  Þá er þeirra sérstaklega minnst, sem eru látin. Beðið verður með nafni fyrir þeim, sem sóknarprestur Kópavogskirkju hefur jarðsungið  á tímabilinu 20. október 2015- til 20. október 2016 og aðstandendum þeirra er boðið sérstaklega til guðsþjónustunnar.  Sigurður Arnarson, sóknarprestur mun prédika og Ásta Ágústsdóttir, djákni mun einnig þjóna fyrir altari.Kór Kópavogskirkju syngur undir stjórn Lenku Mátéová.Sunnudagskólinn með listasmiðjuívafi hefst kl. 11:00 í safnaðarheimilinu Borgum.Flutt verður tónlist í kirkjunni frá kl. 10:30 og þá gefst kostur að tendra á bænaljósi við altari. Eftir guðsþjónustu verður boðið upp á hressingu í safnaðarheimilinu Borgum.  Ásta, djákni mun þá fjalla um sorg og sorgarviðbrögð. Ef tækifæri er til eru þau sem geta beðin um að koma með eitthvað á hádegisverðarhlaðborð í safnaðarheimilinu (opið verður þar frá kl.10:30).Allir eru hjartanlega velkomnir.

 

Heimsókn frá Hjálparstarfi kirkjunnar á æskulýðsfundi

/in /by

Þau Ahmed og Million, sem starfa hjá Lútherska heimssambandinu í Eþjópíu komu í heimsókn á æskulýðsfund nýverið.  Sögðu þau frá vatnsbrunnaverkefnum Hjálparstarfs kirkjunnar í Eþjópíu og fræddu okkur um land og þjóð.  Meðfylgjandi myndir voru teknar á fundinum og forsíðumyndin af æskulýðsleiðtogunum að læra eþjópískan dans.fermingarborn-og-heimsokn-fra-ethjopiu1-heimsokn-fra-ethjopiu