Allra heilagra messa, sunnudaginn 5. nóvember kl.11:00

Í guðsþjónustu kl.11:00 í Kópavogskirkju sunnudaginn 5. nóvember n.k. verður beðið fyrir þeim með nafni sem sóknarprestur Kópavogskirkju hefur jarðsungið frá 20. október 2016 til 20. október 2017.  Ásta Ágústsdóttir, djákni mun prédika og þjóna fyrir altari ásamt sr. Sigurði Arnarsyni.  Flutt verður tónlist í kirkjunni frá kl. 10:30 og getur fólk tendrað á ljósi til minningar um látna ástvini.  Kór Kópavogskirkju mun syngja í guðsþjónustunni undir stjórn Lenku Mátéová.  Eftir guðsþjónustuna verður boðið upp á kaffisopa í safnaðarheimilinu Borgum og þar mun sr. Sigurður Arnarson flytja stutt erindi um „Sorg og sorgarviðbrögð“.  Allir hjartanlega velkomnir.

Mál dagsins 31. október

Mál dagsins þann 31. október hefst að venju kl.14:30 með samsöng undir stjórn Friðriks Kristinssonar og Lenku Mátéová.  Um kl.15:10 mun sr. Hreinn Hjartarson fjalla um borðræður Marteins Lúthers.  Klukkan 15:30 er drukkið kaffi.  Fulltrúar verkefnisins „Jól í skókassa“ mun heimsækja „Mál dagsins“ ásamt hópi gesta frá Úkraínu.  Allir hjartanlega velkomnir.

Mál dagsins 24. október

Mál dagins þann 24. október n.k. hefst að venju kl. 14:30 með samsöng undir stjórn Friðriks Kristinssonar og Lenku Mátéová.  Klukkan 15:10 segir Sigurður Ólafur Sigurðsson, ljósmyndari frá störfum sínum við að mynda björgunarfólk að störfum.  Klukkan 15:30 er drukkið kaffi og stundinni lýkur kl.16:00 með bæn og blessun.  Allir hjartanlega velkomnir.

Mál dagins 10. október n.k.

Mál dagsins hefst að venju kl.14:30 þann 10. október n.k. með samsöng undir stjórn Lenku Mátéová og Friðriks Kristinssonar.  Klukkan .15:10 mun Halldór Friðrik Þorsteinsson kynna nýútkoman ferðabók sína um Afríku.  Klukkan 15:30 verður drukkið kaffi.  Sundinni lýkur kl. 16:00 með bæn og blessun.  Allir hjartanlega velkomnir.