Hátíðarhelgistund á Hvítasunnudag 23. maí kl.11:00 í safnaðarheimilinu Borgum. Sr. Sjöfn Jóhannesdóttir, þjónar fyrir altari og félagar úr Kór Kópavogskirkju syngja undir stjórn Lenku Mátéová, kantors kirkjunnar.
Vegna ferminga í Kópavogskirkju, vorið 2022
Þau sem ætla að fermast vorið 2022 í Kópavogskirkju eru beðin um senda tölvupóst (kopavogskirkja@kirkjan.is) og biðja um skráningarblöð vegna ferminganna fyrir 25. maí, 2021. Síðsumarnámskeið verður 23., 24. og 25. ágúst, 2021 frá kl. 9:00 – 13:00 í safnaðarheimilinu Borgum. Vetrarfermingarfræðsla (fyrir þau sem ekki eru á síðsumarsnámskeiðinu) verður vikulega næsta vetur frá og með 6. september, 2021 kl:16:15 – 17:00 í safnaðarheimilinu Borgum. Tvær kynningarguðsþjónustur og upplýsingafundir verða í: haust (nánar tilkynnt síðar) og 30. janúar 2022 og upplýsingafundir með foreldrum og fermingarbörnum strax á eftir. Mikilvægt er að foreldrar og fermingarbörn komi í guðþsjónusturnar og á upplýsingafundina.Þann 29. september, 2021 verður farið í dags fermingarfræðsluferð í Vatnaskóg (nánar síðar). Sameiginlegir fermingarfræðslutímar (fyrir bæði síðsumarfræðslu- og vetrarfræðsluhóp) verða (hálfur dagur fyrir áramót og hálfur dagur eftir áramót, tilkynnt síðar). Aukatímar gætu orðið á laugardögum kl. 11:00 ef einhverjir komast ekki á fyrirframskipulögðum fræðslutímum. Það yrði auglýst síðar. Námsgögn (tilkynnt síðar) en fermingarbörn skulu taka skriffæri og stílabók með sér í fræðsluna. Áríðandi er að fermingarbörn sæki helgihald eins vel og unnt er og að sjálfsögðu allir velkomnir með þeim. Í safnaðarheimilnum Borgum (sjá: kopavogskirkja.is) er salur til útleigu fyrir fermingarveislur. Fermingarbörn í Kársnesókn ganga fyrir varðandi bókanir á salnum og verða þær teknar niður (kopavogskirkja@kirkjan.is) af Ástu, djákna safnaðarins eftir 25. maí, 2021 og hafa sóknarbörn Kársnessóknar viku forgang frá þeim tíma.
Fermingardagar 2022 verða sem hér segir:
Fermingarbörn geta valið fermingardaga eins og undanfarin ár. Hver ferming tekur mislangan tíma en það fer eftir fjölda fermingarbarna hverju sinni.
Æfingar fyrir fermingarmessur eru í Kópavogskirkju, vorið 2022:
Æfingar eru 31. mars og 1. apríl kl. 16:15-17:00.
Æfingar eru 7. og 8. apríl, kl. 16:15-17:00.
Æfingar eru 7. og 8. apríl, kl. 17:00-17:45.
Æfingar eru 11. og 12. apríl kl. 10:00-11:00.
Helgistund verður í safnaðarheimilinu Borgum sunnudaginn 16. maí n.k. kl.11:00. Dr. Sigurjón Árni Eyjólfsson, héraðstprestur prédikar og þjónar fyrir altari. Félagar úr Kór Kópavogskirkju syngja undir stjórn Lenku Mátéová.
Helgistund verður sunnudaginn 9. maí, kl.11:00 í safnaðarheimilinu Borgum.
Sr. Sjöfn Jóhannesdóttir leiðir stundina og félagar úr Kór Kópavogskirkju syngja undir stjórn Lenku Mátéová.
„Mál dagsins“ á þriðjudögum er frestað um óákveðinn tíma vegna sóttvarnarreglna.
Helgistund verður sunnudaginn 2. maí n.k. kl.11:00 í safnaðarheimilinu „Borgum“. Kópavogsirkja er lokuð fram á haust vegna endurbóta. Sr. Sjöfn Jóhannesdóttir prédikar og þjónar fyrir altari. Félagar úr Kór Kópavogskirkju syngja undir stjórn Lenku Mátéová.
Helgistund verður 25. apríl n.k. kl. 11:00 í safnaðarheimilinu Borgum. Sr. Sigurður Arnarson, prédikar og þjónar fyrir altari. Félagar úr Kór Kópavogskirkju syngja undir stjórn Lenku Mátéová, kantors.
Guðþjónusta verður sunnudaginn 18. apríl kl.11:00 í Kópavogskirkju. Dr. Sigurjón Árni Eyjólfsson, héraðsprestur prédikar og þjónar fyrir altari. Félagar úr Kór Kópavogskirkju syngja undir stjórn Lenku Mátéová, kantors.
Helgistund og „Mál dagsins“ falla niður þriðjudaginn 6. og 13. apríl n.k. vegna hertra sóttvarnarreglna, sem gilda til 15. apríl n.k.
