Mál dagsins verður þriðjudaginn 10. september n.k. (vikulega yfir veturinn) og hefst með samsöng kl. 14:30, sem Friðrik A. Kristinsson og Lenka Mátéová leiða. Kl.15:10 mun Sigurður Arnarson, sóknarprestur segja frá Modena á Ítalíu. Kl. 15:30 er drukkið kaffi og stundinni lýkur kl. 16:00 með bæn og blessun.
Fyrirbænastundir eru á þriðjudögum í kapellu safnaðarheimilisins kl. 13:45. Allir hjartanlega velkomnir.
Prjónahópur Kópavogskirkju hittist tvisvar í mánuði, fyrsta og þriðja hvert þriðjudagskvöld hvers mánaðar yfir vetrartímann. Við erum í safnaðarheimilinu Borgum frá klukkan 19.30 – 21.30. Þar hittist fólk með hannyrðir s.s. prjóna, hekl og útsaum, spjallar og ber etv. saman bækur sínar og fær nýjar hugmyndir. Boðið er uppá kaffi og te. Allir eru hjartanlega velkomnir. Fyrsta prjónakvöld haustsins 2019 hófst 3. september síðastliðinn. Sjá má nánar facebókarsíðu hópsins: Prjónahópur Kópavogskirkju
Guðsþjónusta verður kl.11:00 sunnudaginn 8. september. Hilmir Kolbeins, guðfræðinemi prédikar. Sr. Sigurður Arnarson, þjónar fyrir altari. Félagar úr Kór Kópavogskirkju syngja undir stjórn Lenku Mátéová.
Á hverjum sunnudegi í vetur kl.11:00 í safnaðarheimilinu Borgum. Skemmtilegt og fræðandi fyrir þau sem yngri eru.
Vikulegir æskulýðsfundir fyrir 8. bekk hefjast fimmtudaginn 5. september og eru frá kl. 20:00-21:30 í safnaðarheimilinu Borgum. Fjölbreytt og skemmtilegt starf.
Fyrirbænastundir eru á þriðjudögum kl.13:45 í safnaðarheimilinu Borgum. Allir hjartanlega velkomnir
Mál dagsins hefst aftur þriðjudaginn 3. september næstkomandi kl. 14:30 með samsöng undir stjórn Friðriks Kristinssonar og Lenku Mátéová. Klukkan 15:10 flytur Björn Erlingsson, sagnfræðingur erindi. Klukkan 15:30 er drukkið kaffi og með því. Stundinni lýkur kl. 16:00 með bæn og blessun. Allir hjartanlega velkomnir.
Messa verður í Kópavogskirkju sunnudaginn 25. ágúst n.k. kl. 11:00. Fermingarbörn næsta vetrar taka þátt í messunni. Sr. Sigurður Arnarson prédikar og þjónar fyrir altari ásamt Ástu Ágústsdóttur, djákna. Félagar úr Kór Kópavogskirkju syngja undir stjórn Lenku Mátéová, kantors. Á eftir messunni verður stuttur fundur með fermingarbörnum og forráðafólki næsta vetrar í kirkjunni.
