Þeirra minnst sem eru látin

/in /by

Sunnudaginn 3. nóvember n.k. í guðsþjónustu kl. 11:00 verður þeirra sérstaklega minnst, sem eru látin. Beðið verður með nafni og kveikt á kerti til minningar um þau, sem sóknarprestur hefur jarðsungið á tímabilinu frá októberlokum 2018 til og með 1. nóvember 2019 og aðstandendum þeirra er boðið sérstaklega til guðsþjónustunnar. Kór Kópavogskirkju syngur undir stjórn Lenku Mátéová. Flutt verður tónlist í kirkjunni frá kl. 10:30 og þá gefst kostur á að tendra á bænaljósum við altari. Sunnudagskólinn hefst kl. 11:00 í safnaðarheimilinu Borgum.  Eftir guðsþjónustu verður boðið upp á hressingu í safnaðarheimilinu. Fluttur verður þá fyrirlestur um “Sorg og sorgarviðbrögð”.

Söfnun fermingarbarna fyrir Hjálparstarf kirkjunnar

/in /by

Í vikunni ganga börn í fermingarfræðslu í hús í hverfinu sínu með bauk Hjálparstarfsins í hönd.
Þau safna fyrir vatnsverkefnum Hjálparstarfs kirkjunnar í Afríku. Fermingarbörn í Kársnessókn það er þau sem fermast frá Kópavogskirkju næsta vor ganga í hús á morgunn, þriðjudagskvöldið 29. október frá kl. 18-20.
Þau hittast kl. 18:00 í safnaðarheimilinu Borgum og fá þá afhennt söfnunargögn. Klukkan 20:00 hefst æskulýðsfundur í safnaðarheimilinu og þar verður boðið upp á pizzur.
Æskulýðsfundur verður svo á fimmtudaginn kemur þann 31. október kl. 20:00.

Tónlistarmessa 27.október kl. 11:00

/in /by

Tónlistarmessa verður í Kópavogskirkju sunnudaginn 27. október kl. 11:00. Sr. Sigurður Arnarson, prédikar og þjónar fyrir altari. Kór Kópavogskirkju syngur undir stjórn Lenku Mátéová. Sunnudagaskólinn verður á sama tíma í safnaðarheimilinu Borgir.

Helgistund 20. október kl. 11:00

/in /by

Helgistund verður í Kópavogskirkju sunnudaginn 20. október næstkomandi kl. 11:00. Þorgils Hlynur Þorbergsson, guðfræðingur leiðir stundina og prédikar. Félagar í Kór Kópavogskirkju syngja undir stjórn Lenku Mátéová. Sunnudagskólinn verður á sama tíma í safnaðarheimilinu Borgum.

Guðsþjónusta 13. október kl. 11:00

/in /by

Guðsþjónusta verður sunnudaginn 13. október, kl.11:00. Dr. Karl Sigurbjörnsson, prédikar og þjónar fyrir altari. Félagar úr Kór Kópavogskirkju syngja undir stjórn Lenku Máteóvá, kantors. Sunnudagaskóli á sama tíma í safnaðarheimilinu Borgum.