Helgileikur í Kópavogskirkju
Annan sunnudag í aðventu þann 7. desember síðastliðinn sýndu elstu nemendur leiksskólans Kópasteins helgileik í barna- og fjölskylduguðsþjónustu í Kópavogskirkju.
Félagar úr 5. bekk Kársnesskóla sungu undir stjórn Elínar Halldórsdóttur. Á eftir guðsþjónustunni var jólaball í safnaðarheimilinu Borgum. Gengið var í kringum jólatré og Gluggagægir heimsótti ballið.
