Helgardvöl fyrir börn og unglinga sem misst hafa ástvin vegna andláts.

Helgardvöl fyrir börn og unglinga sem misst hafa ástvin
Dagana 20.-22. apríl verður boðið upp á helgardvöl í Vindáshlíð fyrir börn og unglinga sem misst hafa náin ástvin. Dagskráin miðast við annars vegar 10-12 ára og hins vegar 13-15 ára, en sameiginlegar stundir með hópunum eru á kvöldin og á sunnudeginum.
Þátttökugjöldum er stillt í hóf og aðeins 5.000.- kr. fyrir barn, en mælst að söfnuðir mæti fólki ef fjárhagur hamli þátttöku. Verkefnið er samstarfsverkefni Vídlínskirkju, Kjalarnessprófastsdæmis og samtakanna Ljónshjarta.
Samveran er að erlendri fyrirmynd og markmiðið er m.a. að gefa unga fólki tækifæri til þess að koma sama með öðrum sem þekkja aðstæður þess og búa að sömu reynslu og njóta samverustunda í umhverfi trausts og öryggis þar sem það fær tækifæri til að ræða reynslu sína. Hér er tekið mikilvægt skref að skapa vettvang til úrvinnslu til framtíðar fyrir börn og unglinga á Íslandi sem hafa orðið fyrir sorg og áföllum.
Börn og unglingar sem hafa áhuga á taka þátt er boðið til samverustundar í Vídalínskirkju fimmtudaginn 12. apríl.
Við hvetjum presta til að kynna dvölina fyrir fjölskyldum barna og unglinga sem gætuð notið góðs af þessu.
Skráning og nánari upplýsingar veitir Jóna Hrönn á jonahronn@gardasokn.is.
Dagskrá er meðfylgjandi.

Dagskrá helgardvalar fyrir börn og unglinga
Samvera fimmtudaginn 12.apríl í Vídalínskirkju fyrir þau börn og unglinga sem hafa áhuga á að fara í Vindáshlíð helgina 20-22 apríl. Samhristingur og borðað saman.
Dagskrá helgina 20-22 apríl í Vindáshlíð
Föstudagur 20.apríl
16:00 Lagt af stað í rútu frá Vídalínskirkju í Garðabæ 17:00 Samhristingur 18:30 Kvöldmatur 20:00 Kvöldvaka við arininn
21:30 Kirkja – Kvöldsaga 22:00 Ró
Laugadagur 21.apríl
9:00 Morgunverður 10:15-13:45 Hópavinna
Spjallstund Andri Bjarnason, klíniskur sálfræðingur, og Lilja Ósk Úlfarsdóttir, klíniskur sálfræðingur Streitulosandi hreyfing í íþróttahúsi – Unnur Bryndís Guðmundsdóttir, sjúkraþjálfari Opin listasmiðja – Ólöf Einarsdóttir, texstíllistakona og myndmenntakennari.
12:00 Hádegismatur 14:00 Ratleikur-Amacing race 15:30 Kaffi 16:00 Frjáls tími – íþróttahús opið, spjall, listasmiðja og spilahorn 17:15 Gönguferð í tveimur hópum 18:30 Kvöldmatur 19:00 Listasmiðja opin 20:00 Kvöldvaka við arininn 21:30 Kertastund í minningu látinna ástvina 22:00 Ró
Sunnudagur 22.apríl
9:00 Morgunverður 10:00 Eftirfylgd úr viðtölum/Listasmiðja 11:00 Samverustund 12:00 Matur 13:00 Lokastund með foreldrum og börnum 13:30 Brottför
Þau sem koma að undirbúningnum eru Jóna Hrönn Bolladóttir sóknarprestur í Garðabæ, Heiðrún Jensdóttir sjálfboðaliði og leiðtogi í Vídalínskirkju, Andri Bjarnason sálfræðingur hjá sálfræði- og sálgæslustofunni Haf, Lilja Ósk Úlfarsdóttir klíniskur sálfræðingur, Stefán Már Gunnlaugsson, héraðsprestur og stjórn Ljónshjarta.
Skráning og nánari upplýsingar veitir Jóna Hrönn Bolladóttir á netfanginu jonahronn@gardasokn.

Sýning Guðrúnar Benediktu Elíasdóttur í safnaðarheimilinu Borgum.

Jörð
Guðrún Benedikta Elíasdóttir
RBenedikta- Sýning í safnaðarheimilinu Borgum 22.mars – 30.maí

Guðrún Benedikta Elíasdóttir útskrifaðist frá Myndlista- oghandíðaskóla Íslands árið 1987 og hefur búið og starfað við myndlist og myndlistarkennslu á Íslandi, í Frakklandi og Lúxemborg. Í dag vinnur hún vinnur að list sinni auk þess að kenna myndlist í Menntaskólanum við Sund.
Guðrún hefur teki ðþátt í fjölmörgum einka-ogsamsýningum í sýningarsölum og söfnum bæði hérlendis og víðsvegar um Evrópu og í Bandaríkjunum. Má þar hels tnefna CAL, Cercle Artistique de Luxembourg, artmetz í Metz í Frakklandi, EVBK í Prüm í Þýskalandi og einkasýningar í KonchthausBeim Engel í Lúxemborg, Svavarssafni, Slunkaríki, Populus Tremula o gMenningarmiðstöð í Spönginni (Artótek).
Hún hefur dvalið á gestavinnustofum í Frakklandi og á Akureyri. Guðrún var ein af stofnendum Gallerí Skruggusteins og rak það þar til hún flutti til Suður-Frakklands og var í tengslum við það kjörin bæjarlistamaður Kópavogs 1996.
Patine au vin,verkin eru unnin með litablöndu eða temperu sem Guðrún býr til. „Patine au vin“sem inniheldur m.a.hvítvínog egg. Blönduna hefur hún þróað gegnum árin og bætt við ösku úr Eyjafjallajökli og steinmulningi sem hún hefur safnað frá ýmsum stöðum á landinu. Síðastliðið sumar var vel nýtt til söfnunar.
Meginviðfangsefnið er náttúran og náttúruöfli nm.a.biðin eftir yfirvofandi eldgosi. Verkin eru unnin með efnum úr náttúrunni sem fá þá nýtt hlutverk á striganum og má því segja að verkin séu umhverfisvæn endurvinnsla. Jöklarnir skipa stóran sess eftir aðl istakonan féll í jökulsprungu í Fláajökli á jóladag 1976. Í dag eins og þá er Guðrún alveg heilluð af litaspilinu og fegurðinni sem stafar af þessum magnþrungnu risum sem minnka þó allt of hratt. Einnig átökum elds og íss, öskufalli ðsem myndar fíngerða rlínuteikningar á fannhvítarbreiðurnar.
Frekari upplýsingar um nám ogsýningarferil má finna á heimasíðunni www.rbenedikta.com

Æskulýðsdagurinn 4. mars kl. 11:00

Guðsþjónusta verður á Æskulýðsdegi Þjóðkirkjunnar kl.11:00 í Kópavogskirkju. Sr. Sigurður Arnarson þjónar fyrir altari. Félagar úr Skólakór Kársnes syngja undir stjórn Álfheiðar Björgvinsdóttur og Þóru Marteinsdóttur. Sunnudagaskólinn tekur þátt í stundinni. Allir hjartanlega velkomnir.

Mál dagsins og rapp

Þriðjudaginn 26. febrúar verður Mál dagins að venju kl.14:30 til 16:00 í safnaðarheimilinu Borgum. Stundin hefst á samsöng undir stjórn Friðriks Kristinssonar. Skólakór Kársnes undir stjórn Álfheiðar Björgvinsdóttur tekur þátt í söngnum. Klukkan 15:10 mun tónlistarmaðurinn Birnir fjalla um rapp. Fermingarbörnum vorsins 2016 er boðið sérstaklega að hlusta á þá umfjöllun. Klukkan 15:30 er drukkið kaffi og stundinni lýkur með bæn og blessun kl.16:00.

Guðsþjónusta á nokkrum tungumálum 25. febrúar n.k. kl.11:00

Guðsþjónusta verður á nokkrum tungumálum sunnudaginn 25. febrúar n.k. kl.11:00. Sr. Toshiki Toma, prédikar og sr. Sigurður Arnarson þjónar fyrir altari. Kór Kópavgoskirkju syngur undir stjórn Kitty Kovács. Sunnudagaskólinn í safnaðarheimilinu Borgum á sama tíma. Allir hjartanlega velkomnir.

Tónlistarguðsþjónusta

Tónlistarguðsþjónusta verður sunnudaginn 18. febrúar n.k. kl.11:00 í Kópavogskirkju. Ingimar Helgason, guðfræðinemi prédikar og sr. Sigurður Arnarson, sóknarprestur þjónar fyrir altari. Kór Kópavogskirkju syngur undir stjórn Lenku Mátéová, kantors. Sunnudagaskólinn á sama tíma í safnaðarheimilinu Borgum. Allir hjartanlega velkomnir.

Fjáröflunartónleikar 21. febrúar kl.20:00

Nokkrir listvinir Kópavogskirkju hafa ákveðið að stofna til tónleika 21.febrúar næstkomandi klukkan 20:00 í kirkjunni. Tónleikarnir eru hluti af söfnunarátaki sóknarnefndar Kársnes til viðgerða á steindum gluggum Gerðar Helgadóttur sem liggja undir skemmdum. Á Kársnesi og í nærumhverfi Kópavogskirkju býr m.a. fjöldinn allur af tónlistarfólki. Á efnisskrá tónleikanna er m.a. frumfluttningur á verki Martial Nardeau en verkið heitir “Gerður” og er samið til heiðurs listakonunni.
Kostnaður viðgerða liggur ekki fyrir en mun skipta tugum milljóna króna. Kársnessöfnuður getur ekki staðið straum af viðgerðunum nema með góðri hjálp. Á síðustu misserum var ytri byrði kirkjunnar tekið í gegn og kirkjan máluð að utan. Ungur aðdáandi sagði þá í hrifngu: „Hún er orðin falleg aftur.”
Þeir sem vilja tryggja sér miða fyrir tónleikana geta keypt miða milli kl. 10.00-13.00 virka daga í safnaðarheimili kirkjunnar (sími: 5541898, netfang:kopavogskirkja@kirkjan.is), Hábraut 1a. Miðaverð er 3.500 krónur og rennur allur ágóði óskertur til verkefnisins.
Þeir sem vilja leggja átakinu lið en komast ekki á tónleikana geta styrkt verkefnið með frjálsu framlagi á reikning: 0536-26-630000 Kennitala: 691272-0529

Listamennirnir sem koma að tónleikunum eru:
– Martial Nardeau
-Elísabet Waage, harpa
-Hafdís Vigfúsdóttir, flauta
-Kristján Matthíasson, fiðla
-Lenka Mátéová, orgel
-Peter Máté, piano
-Svava Bernharðsdóttir, lágfiðla
Gunnar Guðbjörnsson, tenór
Einar Clausen, tenór
María Jónsdóttir, sópran
Magnea Tómasdóttir, sópran
Jóhanna Ósk Valsdóttir, mezzo-sópran
Bjarni Jónatansson, pianó
Lilja Cardew, pianó
Oktetinn Einn tvöfaldur
Árni Harðason, stjórnandi
Flautukórinn
Kristín Stefánsdóttir, stjórnandi

Kynnir verður:
Theódór Júlíusson, leikari

Kópavogi, 13.febrúar, 2018
María Jónsdóttir, 894 4662
maria.jons.soprano@gmail.com
Lenka Mátéová, 864 6627
lenkam@internet.is

Fermingar 2018, gátlisti

Vetrarfermingarfræðsla (fyrir vetrarfermingarfræðsluhóp) á miðvikudögum kl.14:30-15:10  í safnaðarheimilinu Borgum.

Kyrtlamátun, miðvikudaginn 21. febrúar kl. 14:30-15:15, kyrtlagjald er 1000 kr og krafa kemur í heimabanka.

Sameiginlegur fermingarfræðslutími (fyrir bæði síðsumarfræðslu- og vetrarfræðsluhóp) 13. mars 2018 frá kl. 09:30-12:15 í safnaðarheimilinu Borgum.

Próf í safnaðarheimilinu 13. mars, 2018 frá kl. 12:45-13:30, gátlisti fyrir það afhenntur á fundi með foreldrum og fermingarbörnum 5. febrúar, einnig á heimsíðu safnaðarins fljótlega og sendur í tölvupósti nokkrum dögum fyrir próf.

Aukatímar gætu orðið á laugardögum kl. 11:00 ef einhverjir komast ekki á fyrirframskipulögðum fræðslutímum.Það yrði auglýst síðar.

Messur og guðsþjónustur

Fermingarbörnin eru hvött til að sækja helgihald eins vel og unnt er og að sjálfsögðu allir velkomnir með þeim. Í helgihaldið eru fermingarbörnin beðin um að taka með sér „Kirkjulykilinn“  og fylla út sérstök kirkjusóknarblöð í bókinni.

Fermingardagar 2018  verða sem hér segir: Fermingarnar hefjast kl.11:00 og fermingarbörn eiga að vera mætt í kirkju klukkan 10:30.

Sunnudagurinn 18. mars, 2018, kl.11:00

Pálmasunnudagur 25. mars , 2018, kl.  11:00

Skírdagur 29. mars, 2018, kl. 11:00

Æfingar fyrir fermingarmessur eru í Kópavogskirkju:

Sunnudaginn 18. mars, kl. 11:00, þá verður æft 15 og 16. mars kl. 16:00-17:00

Pálmasunnudag 25. mars, kl. 11:00, þá verður æft 22. og 23. mars kl. 16:00-17:00

Skírdag 29. mars, kl.11:00, þá verður æft  26. og 27. mars, kl. 10:00-11:00.

 

1.     Ég er Drottin Guð þinn, þú skalt ekki aðra Guði hafa.

2.     Þú skalt ekki leggja nafn Drottins, Guðs þíns við hégóma.

3.     Minnstu þess að halda hvíldardaginn heilagan.

4.     Heiðra skaltu föður þinn og móður þína.

5.     Þú skalt ekki morð fremja.

6.     Þú skalt ekki drýgja hór.

7.     Þú skalt ekki stela.

8.     Þú skalt ekki bera ljúgvitni gegn náunga þínum.

9.     Þú skalt ekki girnast hús náunga þíns.

10.  Þú skalt ekki girnast konu náunga þíns, ekki þræl hans eða ambátt,
ekki uxa hans eða asna, né nokkuð það, sem náungi þinn á.

Postullega trúarjátningin
Ég trúi á Guð, föður almáttugan, skapara himins og jarðar.
Ég trúi á Jesú Krist, hans einkason, Drottin vorn, sem getinn er af heilögum anda,
fæddur af Maríu mey, píndur á dögum Pontíusar Pílatusar,
krossfestur, dáinn og grafinn,
steig niður til heljar,
reis á þriðja degi aftur upp frá dauðum,
steig upp til himna,
situr við hægri hönd Guðs föður almáttugs
og mun þaðan koma að dæma lifendur og dauða.
Ég trú á heilagan anda, heilaga almenna kirkju, samfélag heilagra,
fyrirgefningu syndanna, upprisu mannsins og eilíft líf.
Amen.

 

Faðir vor, þú, sem ert á himnum. 

Helgist þitt nafn, til komi þitt ríki, 

verði þinn vilji svo á jörðu sem á himni. 

Gef oss í dag vort daglegt brauð. 

Og fyrirgef oss vorar skuldir 

svo sem vér og fyrirgefum 

vorum skuldunautum. 

Eigi leið þú oss í freistni, 

heldur frelsa oss frá illu. 

Því að þitt er ríkið, 

mátturinn og dýrðin 

að eilífu. Amen.

Tvöfalda kærleiksboðið

 “þú skalt elska Drottin, Guð þinn, af öllu hjarta þínu, allri sálu þinni, öllum huga þínum og af öllum mætti þínum. Annað er þetta: Þú skalt elska náunga þinn eins og sjálfan þig.”

 

Bænin má aldrei bresta þig,
búin er freisting ýmisleg.
Þá líf og sál er lúð og þjáð
lykill er hún að drottins náð.

Vaktu, minn Jesús, vaktu í mér

Vaktu, minn Jesús, vaktu í mér,
vaka láttu mig eins í þér.
Sálin vaki, þá sofnar líf,
sé hún ætíð í þinni hlíf. Hallgrímur Pétursson

Vertu, Guð faðir, faðir minn

Vertu, Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni. Hallgrímur Pétursson

 

Jóhannesarguðspjall 3:16-18

16 Því svo elskaði Guð heiminn, að hann gaf son sinn eingetinn, til þess að hver sem á hann trúir glatist ekki, heldur hafi eilíft líf.

17 Guð sendi ekki soninn í heiminn til að dæma heiminn, heldur að heimurinn skyldi frelsast fyrir hann.

18 Sá sem trúir á hann, dæmist ekki. Sá sem trúir ekki, er þegar dæmdur, því að hann hefur ekki trúað á nafn Guðs sonarins eina.

Gullna reglan  Allt sem þér viljið að aðrir menn gjöri yður, það skuluð þér og þeim gjör

Sálmur 56

Son Guðs ertu með sanni,
sonur Guðs, Jesús minn,
son Guðs, syndugum manni
sonar arf skenktir þinn,
son Guðs einn eingetinn,
syni Guðs syngi glaður
sérhver lifandi maður
heiður í hvert eitt sinn.

Hallgrímur Pétursson (Ps. 25)

 

 

Signing:

Í nafni Guðs + Föður og Sonar og Heilags anda. Amen.

Guðsþjónusta 11. febrúar n.k.

Guðsþjónusta verður í Kópavogskirkju sunnudaginn 11. febrúar n.k. kl.11:00.  Dr. Sigurjón Árni Eyjólfsson, prédikar og þjónar fyrir altari.  Kór Kópavogskirkju syngur undir stjórn Lenku Mátéová.  Sunnudagaskólinn á sama tíma í safnaðarheimilinu kl. 11:00.

Barna- og fjölskylduguðsþjónusta 4. febrúar kl.11:00

Barna- og fjölskylduguðsþjónusta verður í Kópavogskirkju sunnudaginn 4. febrúar n.k. kl.11:00. Félagar úr Skólakór Kársnes taka þátt undir stjórn Álfheiðar Björgvinsdóttur.  Sunnudagaskólinn tekur þétt í stundinni.  Allir hjartanlega velkomnir.