Kópavogskirkja

“Mál dagsins” þriðjudaginn 6. febrúar.

Sigurður Arnarson — Sun, 05 Feb 2012 18:03:23 +0000

Stundin hefst að venju kl.14:30 með samsöng undir stjórn Lenku Mátéová og Friðriks Karlssonar. Síðan mun Stefán Baldursson, leikstjóri flytja erindi um leikverkið “Fanney og Alexander”. Sundinni lýkur kl.16:00 með stuttri helgistund.

Sameiginleg helgistund, flóamarkaður og spurningakeppni.

Sigurður Arnarson — Sun, 05 Feb 2012 18:00:06 +0000

Sunnudaginn 5. febrúar stóðu söfnuðir Digranes-,Hjalla-, Kópavogs- og Lindakirkna fyrir sameiginlegri hátíð fermingarbarna Þjóðkirkjunnar í Kópavogi. Fór fjölmenn hátíðin fram í Digraneskirkju og í upphafi áttust við lið Lindakirkju og Kópavogskirkju og bar lið Kópavogskirkju sigur úr býtum eftir æsispennandi keppni. Síðan var helgistund þar sem þau Regína og Svenni leiddu söng og allir prestarnir í Kópavogi þjónuðu fyrir altari. Á neðri hæð kirkjunnar var fjölbreyttur flóamarkaður þar sem seldir voru hlutir til stuðnings innanlandsaðstoð Hjálparstarfs kirkjunnar.

Barna- og fjölskylduguðsþjónusta

Sigurður Arnarson — Wed, 01 Feb 2012 17:25:00 +0000

Barna- og fjölskylduguðsþjónusta verður sunnudaginn 5. febrúar kl.11:00 í Kópavogskirkju. Skólakór Kársnes syngur undir stjórn Þórunnar Björnsdóttur. Sunnudagaskólinn á sama tíma í kirkjunni. Umsjón með starfinu hafa sr. Sigurður, Þóra og Sólveig.

Starf fyrir börn í 4-5 bekk

Sigurður Arnarson — Wed, 01 Feb 2012 17:21:39 +0000

Starf fyrir börn í 4-5 bekk hóf aftur göngu sína í dag á nýju ári og á nýjum tíma. Alls mættu 25 börn og nutu leiðsagnar Sólveigar Önnu og Jóns Helga, leiðtoga. Hópurinn hittist nú á miðvikudögum á milli klukkan 16:00-17:00.

Poppmessa og flóamarkaður í Digraneskirkju

Ásta Ágústsdóttir — Wed, 01 Feb 2012 12:11:37 +0000

Sunnudaginn 5. febrúar kl. 16-18 verður stór hátíð hjá fermingarbörnum í Kópavogi. Haldin verður poppmessa í Digraneskirkju (ekki Lindakirkju eins og ég sagði á foreldrafundinum síðasta sunnudag) með Regínu Ósk og Svenna, eiginmanni hennar, og á undan verða úrslit í spurningarkeppni fermingarbarna en síðustu helgi fóru fram undanúrslit. Lið Lindasóknar og Kársnessóknar keppa til úrslita. Í liði Kársnessóknar eru Davíð, Hafsteinn og Andri.
Á sama tíma verður einnig risaflóamarkaður allra fermingarbarna í Kópavogi. Með Flóamarkaðnum gefst tækifæri fyrir fermingarbörn og fjölskyldur þeirra að losa um pláss í geymslum, kössum eða háloftum og bjóða öðrum að kaupa nytja hluti á kostakjörum. Ágóði af flóamarkaðanum mun renna óskiptur til Innanlandsaðstoðar Hjálparstarfs kirkjunnar.
Hlutir sem koma til greina eru bækur, geisla diskar, myndbönd- og mynddiskar, málverk, leikföng, lampar, skrautmunir, eldhúsáhöld, borðbúnaður og svo framvegis. Einnig eru minni húsgögn, raftæki og vel með farinn fatnaður vel þeginn. Það sem ekki selst á Flóamarkaðnum verður gefið áfram á Nytjamarkað Kristniboðssambandsins í Austurveri.
Mælst er til að öll fermingarbörnin taki þátt og leggi til að minnsta kosti tvo nytjahluti en þeim skal skilað í Hjallakirkju í þessari viku á skrifstofutíma kl. 9:00-16:00 þriðjudaga til fimmtudaga, og föstudaga kl. 11:00-14:00. Munum: Margt smátt gerir eitt stórt og enginn getur hjálpað öllum en allir geta hjálpað einhverjum.
Verið hjartanlega velkomin á spurningarkeppni, flóamarkað og í poppmessu!

Hvernig syrgir ungt fólk - Fræðslukvöld hjá Nýrri dögun

Ásta Ágústsdóttir — Wed, 01 Feb 2012 10:25:49 +0000

Unglingum og ungu fólki reynist oft erfitt að takast á við þung áföll eins og ótímabær dauðsföll í sínu nánasta umhverfi. Þessi aldurshópur hefur tilhneigingu til að birgja tilfinningar og á erfitt með að tjá sorg sína, um leið og hann er að leita að sjálfsmynd og losa tengsl við upprunafjölskyldu sína.

Wilhelm Norðfjörð sálfræðingur fjallar um Ungt fólk og sorg á fræðslukvöldi hjá Nýrri dögun, samtökum um sorg og sorgarviðbrögð, n.k. fimmtudagskvöld 2. febrúar. Fyrirlesturinn er í safnaðarheimili Háteigskirkju og hefst kl. 20:30. Hann er öllum opinn.

Á undan eða kl. 19:00 verður opið hús í safnaðarheimilinu. Þangað getur fólk komið og fengið sér kaffi og rætt saman.

Wilhelm Norðfjörð sálffræðingur hefur áratuga reynslu af því að vinna með einstaklingum, fjölskyldum og skólum varðandi stuðning og meðferð fyrir unglinga og ungt fólk. Þá hefur hann unnið mikið í tengslum við sjálfsvíg og forvarnir varðandi sjálfsvíg.

Næsta messa

Sigurður Arnarson — Sun, 22 Jan 2012 20:03:41 +0000

Sunnudaginn 29. janúar n.k, kl. 11:00 verður “Tónlistarmessa”. Kór Kópavogskirkju flytur tónlist undir stjórn Lenku Mátéová, kantors. Sr. Sigurður Arnarson, prédikar og þjónar fyrir altari ásamt Ástu Ágústsdóttur, djákna. Fermingarbörn, foreldrar og forráðamenn sérstaklega boðuð. Sunnudagaskólinn hefst að venju í kirkjunni. Fundur á eftir í safnaðarheimilnu Borgum um fermingarstarfið og þau sem hafa tækifæri til eru beðin um að koma með “hádegisverðar vænar” veitingar á hlaðborð.

“Mál dagsins”

Sigurður Arnarson — Sun, 22 Jan 2012 19:59:36 +0000

Næsta “Mál dagsins” verður þriðjudaginn 24. janúar n.k. Stundin hefst að venju kl. 14:30 með samsöng undir stjórn Friðriks Kristinssonar og Lenku Mátéová. Síðan mun Guðrún Birgisdóttir, þverflautuleikari og íbúi á Kársnesinu segja frá franskri tónlist og leika nokkur lög. Stundinni lýkur svo kl.16:00. Allir að sjálfsögðu velkomnir.

Vetrarfermingarfræðsla

Sigurður Arnarson — Mon, 16 Jan 2012 09:10:25 +0000

Fermingarfræðsla fyrir þau sem eru í vetrarfermingarfræðslu hefst mánudaginn 16. janúar kl.15:10 í Safnaðarheimilinu Borgum. Næsti fermingarfræðslutími fyrir allan árganginn verður mánudaginn 30. janúar skv. tölvpósti sem sendur hefur hefur verið foreldrum fermingarbarna.

Bókmenntaguðsþjónusta

Sigurður Arnarson — Mon, 16 Jan 2012 09:04:51 +0000

Bókmenntaguðsþjónusta verður sunnudaginn 22. janúar n.k. kl.11:00. Í stað prédikunar er flutt hugleiðing um eitthver tiltekið bókmenntaverk og að þessu sinni mun sr. Hjörtur Pálsson, cand.mag. fjalla um Paradísarheimt eftir Halldór Laxnes. Lesnir verða upp kaflar úr verkinu og flutt tónlist, sem er á einhvern hátt tengd verkinu. Sr. Sigurður Arnarson þjónar fyrir altari ásamt sr. Hirit. Sunnudagaskólinn hefst að venju í kirkju og verður í umsjón Sólveigar Aradóttur og Þóru Marteinsdóttur.